Pagkuha ng business permit, 1 araw na lang

ISANG araw na lang aayusin ang business permit sa Manila City Hall umpisa bukas, July 22.

Ito ay makaraang lag­daan ni Manila Mayor Fran­cisco ‘Isko Moreno’ Doma­goso ang Executive Or­der na bubuo sa isang ‘one-stop shop’ sa business per­mit upang mapadali ang pag­ku­ha at pagsasaayos ng mga permit sa negosyo.

Batay sa Executive Or­der No. 8, nilikha ang “Busi­ness One Stop Shop” o BOSS para umiksi ang pag­poproseso ng dokumento.

Matatandaang, noong nakaraang administrasyon, inaabot ng walong araw hang­gang isang buwan dahil sa 11 steps.

Gagawin na lamang umano itong tatlong steps kaya matatapos na sa loob ng isang araw lamang ang business permit.

Nilagdaan ang EO alin­sunod sa Republic Act 11032 o kilala bilang Ease of Doing Business and Efficient Government Service Deli­very Act of 2018.

Kasama sa streamlining ang pag-iisyu ng local busi­ness licenses, clearances, per­mits, certification at authori­zations, gayundin ang pag­galaw ng mga dokumento sa mga departamento at tang­gapan.

Ang BOSS ay isang lugar para sa Business Permits and Licensing System (BPLS) ng Local Government Unit (LGU) na tatanggap ng ap­likasyon, bayad at nag-iisyu ng inaprubahang lisensiya, clearance, permit at autho­rizations.