ni Erlinda Rapadas @Teka Nga | April 5, 2024
Sa naging huling pag-uusap ni Willie Revillame at ng mga executives ng TV5 ay almost done na ang pagbabalik ng game show na Wowowin sa Kapatid Network. Balitang ang dating studio ng Eat… Bulaga! sa TV5 ang gagamitin ng show dahil sa Meralco Theater na ililipat ang Eat…Bulaga! ng TVJ.
Mas malaki ang Meralco Theater, kaya mas marami ang maa- accommodate na audience ng EB!.
Noong una ay sa Sta. Lucia Mall balak gawan ng studio ang Wowowin, pero hindi natuloy.
Ang ibinigay na oras kay Willie Revillame ay 5 PM na dati niyang oras. Hindi rin pumayag si Willie sa slot na 2:30 PM.
Sa ngayon, inaabangan na ng mga fans at followers ng Wowowin ang pagsisimula sa ere ng game show ni Revillame at kung sinu-sino ang kanyang mga co-hosts na kukunin.
Solo venture kaya ito o co-producer ang TV5?
Kaya naman, magiging abala na si Willie sa pagbabalik ng Wowowin.
Sana lang, wala nang aberyang mangyari at magtuluy-tuloy na para sumayang muli ang mga lolo at lola na suki ng show ni Willie.
Comments