Wow, level-up na, Rico… MARIS, IDINISPLEY NA ANG COFFEE SHOP SA LA UNION

ni Reggee Bonoan @Sheet Matters | August 26, 2023

“Maaa! MAY COFFEE SHOP NA AKO SA LA UNION! Sana mabisita n’yo kami! Located at Port San Juan, La Union! Thank you God for this blessing!” ito ang shout-out ng singer-actress na si Maris Racal na ipinost niya kahapon nang hapon sa kanyang Facebook page.

Ang ganda ng disensyo ng coffee shop na sa tingin namin ay parang cruise ship na may mga bilug-bilog na bintana. Base sa video post ay elevated ito na may malaking hagdan sa gilid ng building na doon papasok sa 2nd floor dahil ang nasa first floor ay para sa takeout delivery na may nakalagay na ‘order coffee here.’

Ang ganda rin ng loob ng coffee shop dahil napaka-cozy at pag-akyat sa 2nd floor ay may malaking polka dots painting ng babae na kamukha ng Japanese contemporary artist na si Yayoi Kusama.

‘SOC STREAM OF CONSCIOUSNESS’ ang pangalan ng coffee shop ni Maris na ang specialty base sa nakalagay sa wall ay Thai, Indian, Italian, oysters, kambing, smoothie, sausages, dimsum, wings at inasal.

Maraming netizens ang bumati at nagsabing pupuntahan nila ang coffee shop na ito ni Maris sa LU lalo't umabot na sa 240 shares and still counting ang naturang post.