ni Nitz Miralles @Bida | March 9, 2023
Matapos makita ang Instagram stories ng Eat…Bulaga! na sabay-sabay kumakain ang mga hosts na sina Joey de Leon, Jose Manalo at Wally Bayola, ang usap-usapan ay sina Jose, Wally at Allan K. daw ang ipapalit sa TVJ bilang main hosts kapag nagkaroon ng takeover sa noontime show.
Nag-viral ang isang poster kung saan ang ipapalit umano sa Eat… Bulaga! ay ang Wow Bulaga!
at nandu'n ang larawan nina Willie Revillame, Jose, Wally, Allan K. at international influencers na sina Bretman Rock, Miguel Tanfelix, Tyronia Fowler at ang businesswoman na si Rosmar Tan.
Sa Fast Talk with Boy Abunda, nilinaw ni Tito Boy na fake ang nasabing poster tungkol sa bagong noontime show.
“Nais lamang sabihin ng aming source, isang mapagkakatiwalaang source po rito sa GMA-7 that this poster is not true. This is a fake poster. Hindi po ito totoo,” paglilinaw ni Boy.
Comments