Watawat ng Pilipinas, nabaliktad sa Marcos-Trudeau meeting

ni BRT @News | September 7, 2023

Isang honest mistake umano ang pagkakabaliktad sa watawat ng Pilipinas nang magkaroon ng bilateral meeting sina Pangulong Ferdinand Marcos, Jr. at Canadian Prime Minister Justin Trudeau sa sideline ng 43rd Association of Southeast Asian Nations Summit and Related Summits na ginaganap sa Jakarta, Indonesia.

Ayon kay Department of Foreign Affairs Undersecretary Maria Theresa Lazaro, walang kinalaman ang protocol officers ng Pilipinas sa pagkakabaliktad ng watawat.

“It was an honest mistake that had nothing to do with our protocol officers,” pahayag ni Lazaro.