ni Nitz Miralles @Bida | Nov. 10, 2024
Para sa mga netizens na nakakita ng IG stories post ni Ken Chan ng Statue of Liberty, mali ang ginawa nito dahil sa post niya, nalamang nasa New York siya. Mabilis na lang daw siyang hanapin dahil siya mismo ang naglatag ng ebidensiya kung nasaan siya.
Hindi na mahihirapan ang maghahanap sa kanya dahil sa kaso niyang syndicated estafa. Unless, tama ang paniniwala ng iba na baka inililigaw lang ni Ken ang sinumang naghahanap sa kanya. Kunwari pinalalabas nitong nasa New York siya, pero nasa ibang parte pala ng Amerika o baka nasa ibang bansa. May post pa si Ken ng table na may breakfast food at obvious na magbe-breakfast siya at sinuman ang kasama niya dahil sa caption na: “Good morning.”
In fairness, ang sarap ng nakahain sa mesa ni Ken, may plate of different fruits at may cheese. Hindi na nakita ang iba pang food sa mesa na for sure, marami pa.
Pasko na rin sa pad ni Ken, makikita ang Christmas decor sa may fireplace na parang si Santa Claus. Hindi nga lang natuwa ang mga netizens, dapat daw, hindi siya nag-post dahil lalo lang magagalit ang mga taong naghahanap sa kanya.
Anyway, napansin namin na naka-off na ang comment box ng Instagram ni Ken the day na nabalitang he was served a Warrant of Arrest kaya wala nang makapag-comment.
Pati ang old post nito, naka-off din ang comment box, pero tiyak na alam ni Ken na pinag-uusapan siya ng maraming tao.
NASA last leg na ng promo sina Kathryn Bernardo at Alden Richards para sa pelikula nilang Hello, Love, Goodbye. This Sunday nga, guests sila sa ASAP at sa gabi, sa Kapuso Mo, Jessica Soho naman. Second time na nilang mag-promote sa ASAP dahil last Sunday, present din sila.
Tamang-tama ang guesting nina Alden at Kathryn sa KMJS dahil isine-celebrate ng show ni Jessica Soho ang 20th anniversary, kaya special ang episode. Lalo pang naging special sa guesting ng KathDen.
Nakakatuwa ang promo ng guesting nina Alden at Kathryn sa KMJS dahil parang wedding invitation at kasal ng KathDen. May nakasulat na “K & A,” may picture ng wedding rings at may photo nina Alden at Kathryn.
Nag-guest din si Kathryn, ibang cast ng HLA at si Direk Cathy Garcia sa Family Feud at na-interview ang KathDen sa Fast Talk with Boy Abunda. Na-interview din sila sa 24 Oras, pati na sa ibang shows ng ABS-CBN.
Mga Marites, walang mapiga… SUE, TIKOM ANG BIBIG SA HALIKAN NILA NI DOMINIC
AMINADO ang mga netizens na kaya sila sumugod sa Instagram ni Sue Ramirez ay para makibalita sa ganap kina Sue at Dominic Roque na nakunan ng video na nagki-kiss o nag-beso. Makikitsismis daw sila, kaya lang, hindi sinasagot ni Sue ang mga tanong kung ano ang meron sa kanila ni Dominic.
Wala pa mang inaamin ang dalawa, marami na ang nagsabing bagay sina Dominic at Sue. Marami na rin silang shippers at may nag-comment na sa pagkaka-link ni Dominic kay Sue, napatunayan nilang mestisa ang type nito sa babae.
May nag-comment pang walang masama kung maging sina Sue at Dominic na dahil pareho silang single. Totoo bang matagal nang break sina Sue at Victorias Mayor Javi Benitez? Kaya raw nagpunta sa Amerika si Sue to mend her broken heart at ngayon, ready na siyang ma- in love.
Ang sabi pa, wala nang photos ni Javi sa Instagram ni Sue and vice-versa, pero nang i-check namin ang kani-kanyang IG, may picture pa naman si Javi sa IG ni Sue. Sa IG ni Javi, parang portrait ni Sue ang naka-post.
May nag-comment pa na hindi na pina-follow ni Javi si Sue, bagay na kinontra ng isang fan, naka-follow pa raw si Javi kay Sue. Para masiguro, i-check n’yo, guys, para malaman. ‘Yung masisipag mag-check ng followers at following ng mga celebrity, i-check n’yo nga.
Dahil pala sa isyung ito kina Sue at Dominic, mas sumigla ang showbiz. May new couple raw na aabangan at tututukan hanggang malaman kung ano ang totoo. May mga nag-comment na nag-Truth or Dare game lang ang dalawa at mga ka-table nila sa resto sa Siargao. Baka raw ang dare sa dalawa ay mag-kiss na kanila namang ginawa.
Totoo man ito o hindi, may mga kinilig, at nadagdagan ang ingay at sigla sa showbiz. Wala pang chance na sila’y ma-interview, matagal pa ang presscon ng The Kingdom na entry sa 2024 MMFF at kasama si Sue nina Piolo Pascual at Vic Sotto sa cast.
Comments