ni Ka Ambo @Bistado | Sep. 22, 2024
Bumalik na si Mayor Jed Mabilog.
Umaasa siya na “ang mundo ay nananatiling bilog”
Bakit, kuwadrado ba?
----$$$--
TULAD sa kapalaran ni dating Pangulong Marcos Sr., tinatabunan na ang mga magagandang nagawa ni Digong.
‘Ika nga ni Erap, weder-weder lang.
----$$$--
DINALAW ni VP Sara si ex-VP Leni.
Nararamdaman na ang 2028.
----$$$---
AYON kay Inday, si Speaker FM Romualdez ang kandidatong pangulo.
Huh, buti alam niya ‘no?!
-----$$$--
ANG 2028 political derby ay Bisay versus Bisoy.
Buwenas ang kandidato mula sa Luzon.
Anong sey mo, Bosya Imee?
Simulan na natin?
----$$$---
ISA sanang presidentiable si SND Gibo.
Pero, kailangan niyang mag-ala-Tulfo.
Itsismis niya hindi lang ang away ng Tsekwa at Pinoy, bagkus maging ang iskandalo ng kanyang mga tagahanga.
----$$$--
OPO, kailangan maipakete si Gibo tulad ng diskarte ni ex-President Ramon Magsaysay.
Ipakita niya sa vlog kung paano magmekaniko ng mga missile launchers ng US.
-----$$$--
PATUNGO ang lahat ng sitwasyon sa Ikatlong Digmaang Pandaigdig.
Sa panahon ng digmaan, walang neutral-neutral d’yan.
Ang maliliit na bansa ay gagamiting piyon at chessboard ng mga superpower.
-----$$$--
ANG Pilipinas ay hindi kailanman, nakakaligtas sa alinmang digmaan.
Bahagi ng dugo ng sinaunang Pinoy ang pagiging mandirigma at alipin.
----$$$--
KAHIT ang mga sinaunang Pinoy ay ginamit na mersenaryo upang makadepensa ang Kaharian ng Brunei.
Bilang bayad, iniregalo ang Sabah sa North Borneo.
-----$$$--
KAHIT malinaw ang mga dokumento na ito ay sakop ng Pilipinas, inagaw ito ng Malaysia.
Tandaan natin: Hindi nakatulong ang Britain at US sa agawang ito ng teritoryo.
-----$$$--
PARA maunawaan natin ang isyu sa West Philippine Sea, pag-aralan muna natin ang mapait na karanasan sa Sabah.
Matapos suriin, sagutin natin ang tanong: Makakatulong ba ang mga dokumento, argumento at pambobola ng suporta ng malalaking bansa?
Isang malalim na palaisipan ‘yan na ipapamana natin hanggang sa ating mga kaapu-apuhan sa tuhod!
Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.
Comments