ni Mercy Lejarde @Showbiz Talkies | July 10, 2024
Ayon sa socmed post ni Barbie Imperial kamakailan ay wala raw siyang dapat ikahiya kung may namamagitan man sa kanila ni Richard Gutierrez dahil kapwa naman daw sila malaya at walang pananagutan.
Marami ang nagpapayo kay Barbie na maghinay-hinay sa mga salitang pinakakawalan niya, tulad na lang ng latest umano niyang sinabi na pinaniniwalaang patungkol kay Sarah Lahbati.
Ayon naman sa mga netizens, huwag daw pakasiguro si Barbie dahil 'di pa naman annulled ang mag-asawa. Samakatuwid, sa ilalim ng batas ay sila pa rin ang legal na magkabiyak.
Pero sa nakikita natin ngayon sa estranged couple, masaya sila sa kani-kanya nilang buhay. Ang mahalaga nama’y maayos ang kanilang co-parenting setup sa kanilang dalawang anak.
Pero huwag naman daw sanang pangunahan ni Barbie ang mga bagay as things may change in the course of time.
Samantala, pinalagan ni Barbie ang isang Facebook page na nagkakalat ng pekeng balitang buntis siya sa Kapamilya actor. Fake news daw itey, boom ganern!
Pero kung talagang meant for each other sina Richard Gutierrez at Barbie Imperial, let them be and enjoy their love life.
‘Yun lang!
MAY kuwento tungkol sa true love ang dating Tawag ng Tanghalan contestant na si Keisha Paulo sa kanyang bagong handog na awiting AKIN.
Katulong niyang sumulat ng kanta ang kanyang fiancé na si Jershon Corpuz at sa pagmamahalan nilang dalawa sila humugot ng inspirasyon para rito.
“We were very inspired to write this. It really speaks about true love that everyone deserves. Sobrang uso na kasi sa ‘tin ‘yung mga hugot, heartbreak. What if true love naman? What if ito naman ang pairalin natin ngayon, 'yung totoong pagmamahal,” kuwento niya sa kanyang pagbisita sa iWant ASAP nu’ng Linggo (Hulyo 7).
Sinundan ng AKIN ang debut single ni Keisha na Hanggang Ngayon Na Lang na magiging bahagi ng upcoming album niya na nakatakdang ilunsad ngayong taon sa ilalim ng Star Music.
Unang nakilala si Keisha nang maging isa sa quarter finalists ng Tawag ng Tanghalan Season 6. Pinahanga niya rin ang mga hurado sa kanyang performance ng OPM classics tulad ng Ikaw Ang Aking Mahal, Himig ng Pag-ibig at Anak.
Pakinggan ang bagong awitin ni Keisha na AKIN na available na ngayon sa iba’t ibang streaming platforms.
Comments