Wa’ paki sa mga bashers… ROBIN: DUTERTE, BAYANI

ni Erlinda Rapadas @Teka Nga | Apr. 4, 2025

Photo: Robin Padilla at FPRRD - FB Robin Padilla

Noong 80th birthday ng dating Pangulong Rodrigo Duterte, hindi nagkaroon ng pagkakataon si Sen. Robin Padilla na makita, makausap at mabati ito dahil sa mahigpit na patakaran sa ICC detention cell sa The Hague, Netherlands. 

May lumabas na video kung saan nakausap si Sen. Padilla ng reporter at natanong kung ano ang saloobin niya na hindi niya nakita at nakausap si FPRRD. 

Para raw kay Sen. Robin, kinokonsidera niyang isang ‘bayani’ si Tatay Digong at desidido siyang samahan ito sa The Hague at bigyan ng moral support. 

At hindi na nga nagawang umuwi ng ‘Pinas ni Sen. Padilla noong 89th birthday ni Mommy Eva Cariño last March 24, tanging video greetings lang ang kanyang naipadala sa kanyang mahal na ina. 

Ang misis niyang si Mariel Rodriguez ang nag-asikaso sa simpleng birthday celebration ni Mommy Eva. Ini-update na lang niya si Sen. Padilla sa mga kaganapan.

Maging si BB Gandanghari ay wala rin sa special day ni Mommy Eva.

Well, alam ni Sen. Robin na marami ang humuhusga-bumabatikos sa kanyang pagiging loyal sa dating Pangulong Duterte. Pero sarili niyang desisyon ‘yun, dahil malaki ang naitulong ni FPRRD sa kanyang political career. Hindi ‘yun madaling kalimutan at talikuran, kaya naman tanggap ni Sen. Robin ang mga sasabihin sa kanya ng mga bashers. 

Bahala na si Batman kung anuman ang magiging reaksiyon ng kanyang mga tagahanga at ng milyong bumoto sa kanya sa pagsuporta niya sa dating pangulo.

Sey pa ni Sen. Padilla, after 2028, pagkatapos ng kanyang termino ay wala na siyang ibang balak pa sa pulitika.

---

Ex-BF na lang daw ang tanungin kung bakit…

MIKEE, HIRAP TANGGAPIN ANG BREAKUP NILA NI PAUL

NAPAKASAKIT para sa Kapuso actress na si Mikee Quintos ang breakup nila ng kanyang BF na si Paul Salas. Apat na taon din na naging masaya ang kanilang relasyon. 

Naging inspirasyon nina Mikee at Paul ang isa’t isa. Madalas na sabihin noon ni Paul na si Mikee ang nagpabago ng kanyang buhay. Mas natuto raw siyang pahalagahan ang kanyang career. 

Kaya marami ang nagulat nang aminin ni Mikee sa programang Fast Talk with Boy Abunda (FTWBA) na hiwalay na sila ni Paul Salas. 

Pero, nilinaw ni Mikee na walang third party involved sa kanilang breakup. 

So, ang ibig sabihin ay may mas malalim na dahilan kaya tinapos nila ang kanilang relasyon? 

Ayaw pang magsalita at ayaw magbigay ng detalye ni Mikee sa tunay na dahilan ng breakup nila ni Paul.

Gayunpaman, waiting lang si Mikee sa right time na ibubunyag din niya ang totoo. Mutual decision daw nila ni Paul ang kanilang paghihiwalay. Matagal nilang pinag-usapan kung dapat na nilang sabihin ito sa publiko.

Sey pa ni Mikee, dapat na manggaling kay Paul Salas ang pagbabahagi sa dahilan ng kanilang breakup. 

No regrets si Mikee na sobra niyang minahal ang aktor. Napakahirap para kay Mikee na tanggapin ang nangyari at mag-move on na.

Maraming fans din ang labis na nanghinayang sa kanilang relasyon.

Samantala, dinamayan ni Gabbi si Mikee sa kanyang pinagdaraanan ngayon.

Naging close sila sa isa’t isa dahil magkasama sila sa mystery seryeng Slay. 

Nakita ni Gabbi ang totoong pagkatao ni Mikee Quintos na napaka-open at totoong-totoo! Kaya gustong i-suggest ni Gabbi na ipasok si Mikee bilang celebrity guest sa Pinoy Big Brother (PBB) Celebrity Edition Collab. Tiyak daw na mapapalapit si Mikee Quintos sa mga housemates.

---

SA ipinost na statement ni Mark Herras sa social media, matapang na pinanindigan niya na hindi totoong pinagbantaan niya na susunugin ang bahay ng singer na si Jojo Mendrez. Ito na rin ang huli niyang pagsasalita tungkol sa isyu nila ni Jojo. 

Marami naman daw mas sikat na celebrities na puwedeng gamitin para pag-usapan sa social media. Abala raw siya sa mga bagay na puwedeng pagkakitaan upang buhayin ang kanyang pamilya. 

Well, may mga nakikisimpatya kay Mark. Kung anu-ano na ang ibinibintang sa unang StarStruck Male Survivor simula nang ma-link siya sa singer na si Jojo. Iba’t ibang impresyon ang ikinakabit sa kanya ng publiko. 

At ngayon, umabot na nga sa ginawang pagpapa-blotter sa kanya ni Jojo Mendrez dahil sa ginawa niyang pagbabanta raw dito.

Well, may 2 sides naman ang bawat kuwento o istorya. Kung talagang inosente si Mark Herras sa akusasyon sa kanya, lalabas din ang totoo. The truth will set him free, hndi naman natutulog ang Diyos. Malalampasan din ni Mark ang mga pagsubok na kanyang pinagdaraanan ngayon. 

At para naman sa singer na si Jojo Mendrez, sana magawa niyang makapagpatawad. Tutal, sobra-sobra ang kanyang blessings dahil matatag siya at hindi dumaranas ng financial crisis na tulad ni Mark. Lalo siyang susuwertehin kung aalisin niya ang negative vibes sa kanyang puso.

---

ANG bongga-bongga pala ng bahay ng veteran actor at dating basketball player na si Freddie Webb, dahil may basketball court ito sa loob ng kanyang bahay. Pati mismong si Bernadette Sembrano ay namangha nang magkaroon siya ng house tour sa bahay ni Freddie. 

Dating sikat na basketbolista si Freddie noong kabataan niya, magka-era sila noon ni Jaworski. 

At nang magretiro na si Webb sa paglalaro ng basketball, napasok naman siya sa showbiz at mabenta sa mga TV shows. 

Matagal din silang nagkapareha noon ni Carmi Martin sa sitcom na Chicks to Chicks (CTC). Umere ito ng 14 years sa telebisyon. 

Ngayon, 82 years old na si Freddie Webb at patuloy pa ring umaarte. Markado ang kanyang role bilang Lolo Mars sa seryeng Ang Himala ni Niño (AHNN) na napapanood araw-araw sa TV5. 

Kasama niya rito sina Carmi Martin, K Brosas, Cedrick Juan, Queenay Mercado, at ang magaling na child actor na si Zion Cruz. 

Nagpasalamat si Freddie Webb sa TV5, MQuest Ventures, at Cornerstone Entertainment dahil sa kanilang pagtitiwala sa kanyang kakayahan bilang actor. 

Two weeks na lang na mapapanood ang AHNN, na nasa finale episodes na. Dapat abangan ang mga kaganapan na mangyayari sa mga major characters.