ni Angela Fernando @Winner | September 10, 2024
Hindi dumalo si Bise-Presidente Sara Duterte nitong Martes sa pagpapatuloy ng pagdinig ng House of Representatives para sa mungkahing budget ng kanyang opisina para sa 2025, matapos ang mainit na palitan ng salita sa ilang mga mambabatas sa naganap na unang pagdinig.
Sinabi ni Duterte sa isang liham kay House Speaker Martin Romualdez na naisumite na ng Office of the Vice President (OVP) ang kinakailangang mga dokumento at ang kanilang posisyon ukol sa mga isyu hinggil sa budget nito.
"We defer entirely to the discretion and judgment of the committee regarding our proposed budget for the incoming year," saad ng Bise-Presidente sa kanyang liham. Naka-schedule ng 9 a.m. ang nasabing pagdining at naghintay ang komite ng isang oras bago ito nagsimula, ngunit walang kinatawan mula sa OVP ang dumalo.
تعليقات