ni Nitz Miralles @Bida | May 25, 2024
Binibiro si Alden Richards sa kanyang ‘galit’ hosting sa katatapos na Miss Universe Philippines 2024 coronation night.
Sa portion ng Top 20 announcement, sumisigaw si Alden habang isa-isang binabanggit ang mga pumasok na kandidata.
Halos iisa ang comment kung bakit daw galit ang Asia’s Multimedia Star sa announcement. Si Vice Ganda nga, ginaya ang pasigaw na hosting ni Alden sa EXpecially For You segment ng It’s Showtime. Sabi ni Vice, “Galit si Alden kahapon, 'di ba?”
Isa sa mga nakabasa sa mga comments sa hosting style ni Alden si Kat de Castro na nanood sa coronation night sa MOA. Nag-comment ito na hindi naman depensa kay Alden, nilinaw lang ang mood sa MOA that night.
Sabi ni Kat, "So, I’ve been seeing some posts from those who watched the #MissUniversePhilippines2024 through livestreaming. Particularly on how Alden Richards sounded angry when he called out the Top 20.
"As someone who was present in the venue, Alden had to make his voice loud and clear to drown out the audience who were screaming for their favorite candidates. He sounded fine. He did well as host. Cute-cute pa.”
Ayan, may rason naman pala kung bakit sumigaw si Alden sa announcement ng Top 20. Sa announcement lang ng Top 20 siya napulaan, the rest of the night, maganda ang comment sa kanya. Aliw nga sa kanya ang Vietnamese fans na nanood sa livestreaming.
Comentarios