ni Mercy Lejarde - @Showbiz Talkies | November 24, 2022
Isa si Jessie Salvador sa cast ng Oh My Korona ng TV5/Cignal Entertainment na nagdaos ng Showbiz Caravan lately sa Starmall sa San Jose Del Monte, Bulacan.
Si Jessie ay nagmula sa Salvador clan ng showbiz world at nakababatang kapatid ni Maja Salvador at ang daddy dearest nila ay ang former actor na si Ross Rival.
Beinte-kuwatro anyos na ngayon si Jessie pero mukha lang siyang edad 18 or 19 in person at tipong artistahin talaga ang kanyang face at wankatitat na talagang masasabing mana sa mga artistang Salvador like her Ate Maja, Alona Alegre (SLN), Mina Salvador (SLN), at Deborah Sun.
Naka-one-on-one interview ni yours truly si Jessie at malambing siya, laging nakangiti kung makipag-usap.
"Kaya ka ba nag-artista, Jessie, ay para sundan ang yapak sa showbiz world ng
mga Salvador?" asked ni yours truly dito..
“Opo, pero siyempre, kailangan nating gumawa ng sarili nating pangalan," sagot niya with matching sweet smile.
“May jowa ka na ba?” urirat namin.
"Single pa po. Bawal pa po akong mag-jowa."
Ah, ipu-push niya muna ang showbiz career niya bago ang jowa, ganern?!
"Yes po," sagot niya.
“Sino ang gusto mong maka-love team dito sa mundo ng showbiz?” asked ni yours truly.
"Ako po, ang gusto ko, si Joshua Garcia."
Bakit si Joshua Garcia?
"Sobrang alam ko po kasi na maaalagaan niya ako... kasi sobrang bait niya."
“Nag-meet at nagkita na ba kayo ni Joshua Garcia kaya mo nasabi ‘yan?” tanong uli namin.
"Opo... sa bahay po ni Ate Maja. Na-starstruck po ako talaga sa kanya," pag-amin niya.
Paano kung ligawan ka ni Joshua Garcia?
"Ipapaalam po natin sa mga kinauukulan," with matching tawa niya on the side.
In pernes, hindi naman pahuhuli sa ganda ng fezlak at wankatitat itong si Jessie Salvador sa ex-labs ni Joshua Garcia na si Julia Barretto.
At in pernes din, kahit sa ate niyang si Maja ay angat ang kanyang ganda at kaseksihan, ha?
Sa true lang, very yummy at very sweet at oozing with sex appeal si Jessie Salvador kung kaya hindi na kami magtataka kung magkaroon angTV5/Cignal Entertainment ng tinatawag na "A Star Is Born" in the person of JS sooner than soon, wanna bet ha, Log?
‘Niwey, good luck to your showbiz career sa TV5/Cignal Entertainment, Jessie Salvador, boom ganernnn!
Comentarios