Usec. Punay, itinalagang OIC ng DSWD ni P-BBM

ni Lolet Abania | December 27, 2022

Itinalaga ni Pangulong Ferdinand “Bongbong” Marcos Jr. si Undersecretary Eduardo Punay bilang officer-in-charge ng Department of Social Welfare and Development (DSWD).

Kinumpirma ni Punay, isang dating reporter, ang kanyang pinakabagong designation sa GMA News kasama na ang appointment paper niya ngayong Martes ng hapon.

Ibinaba ang appointment ni Punay matapos na ang Commission on Appointment (CA) ay ipagpaliban ang mga deliberations hinggil sa ad interim appointment ni Erwin Tulfo bilang DSWD chief noong nakaraang buwan.