ni Vinia Vivar @Frankly Speaking | November 7, 2023
May bagong dance challenge si Marian Rivera para sa kanyang mga followers sa TikTok.
Uploaded last Saturday, makikita sa video si Marian in her usual outfit sa kanyang mga dance videos na naka-joggers, t-shirt and cap.
This time, she dances to the tune of the remix of Shakalaka and Hey, Mickey!
“Eto na ang aking bagong Dance Challenge. Tag n’yo ako, ah,” caption ni Marian.
As of this writing, nasa 3.8 million na ang views ng 4th dance entry ng Kapuso Primetime Queen.
Matatandaang noong Agosto lang siya nagsimulang maglabas ng mga dance videos niya sa TikTok. Nag-hit agad ang kanyang first video kung saan ay sumayaw siya ng Price Tag. Sa ngayon ay umaabot na sa 193.9M ang views nito.
Ang second video ay may 132.6M views at ang 3rd naman ay nasa 45M.
Sa comment section ay napakaraming nagre-request ng Marimar dance na noon pa raw nila hinihintay na gawin ni Marian.
Well, nakikini-kinita na naming magigiba ang TikTok kapag pinagbigyan ni Marian ang request nila.
Ang Marimar dance na tinutukoy ng mga netizens ay ang sikat na dance moves ni Marian sa hit teleserye niyang Marimar years ago.
Comments