Umaming 'di sila close… SOFIA, OUT SA 700 GUESTS SA DEBUT NI JILLIAN

ni Nitz Miralles @Bida | February 3, 2023

Malaking party ang mangyayari sa debut ni Jillian Ward sa February 23 dahil sabi nito sa interview sa 24-Oras, aabot sa 700 ang invited guests dahil marami siyang kaibigan at nakatrabaho.

Gusto niyang makasama sila sa kanyang 18th birthday.

Sa interview, ibinalita ni Jillian na si Mak Tumang ang nagdisenyo at gagawa ng kanyang gown.

“Matagal ko nang ina-eye si Sir Mak dahil mahusay siya at pareho kaming Kapampangan.

Kapampangan pride,” ani Jillian.

Ayaw i-preempt ni Jillian ang theme sa kanyang debut, abangan na lang daw.

“Konti pa lang ang gumagawa ng ganitong theme,” paniniyak ni Jillian. “Basta ang goal ko ay mag-enjoy ang lahat ng guests at hindi sila mabo-bore at enjoy na enjoy sila,” patuloy ni Jillian.

Parang thanksgiving na rin ni Jillian ang kanyang debut sa dami ng pasasalamatan mula pa sa Trudis Liit noong hindi pa siya marunong sumulat hanggang ngayon na isa na siyang magaling na aktres at nagbibida na gaya sa top rating series na Abot Kamay na Pangarap.

Invited kaya sa debut ni Jillian si Sofia Pablo? Inamin kasi ni Sofia sa mediacon ng Luv Is: Caught In His Arms na hindi sila close ni Jillian. Ito ay kahit matagal silang nagkasama sa Prima Donnas.