ni Levi Gonzales | February 27, 2023
Dead-on-the-spot ang isang tserman sa Bgy. San Carlos, Lipa City, Batangas matapos pagbabarilin.
Kinilala ang biktima na si Vivencio Palo.
Batay sa inisyal na ulat, pasado alas-5 ng madaling-araw habang nasa kanyang sasakyan at nagbababa ng kanyang paninda sa talipapa ang biktima nang biglang tumigil ang isang kotse saka pinagbabaril ang nasabing tserman.
Agad na isinugod sa pinakamalapit na pagamutan ang biktima ngunit binawian din ito ng buhay.
Inaalam pa kung kaugnay ito sa nalalapit na Barangay Election.
Comments