ni Mercy Lejarde @Showbiz Talkies | August 18, 2024
Agree si yours truly sa opinyon ng ilang kasamahan namin sa panulat na hindi na si Kris Aquino ang nagmamay-ari ng showbiz title na Queen of All Media.
Ayon sa ilang showbiz baklitas, nasalin na ang titulo kay Marian Rivera, dahil super in-demand daw ngayon ang misis ni Dingdong Dantes sa mga movie at TV projects, plus sunud-sunod daw ang mga ineendorso nitong produkto.
Tapos, sunud-sunod pa rin daw ang mga recognitions at achievements na natatanggap nito sa kasalukuyan. Kaya raw, bidang-bida ngayon sa ating showbiz world ang beautiful na si Marian Rivera Dantes.
Tinatawag nila ang Kapuso Primetime Queen bilang bagong “Queen of All Media”. Siya na raw ang nag-iisang tagapagmana ng trono na binakante ni Kris Aquino.
So, if this is true, shall we say... move a little over Kris Aquino and enter Marian Rivera?
Boom, ‘yun na!
Nakapanayam ni Bernadette Sembrano sina Joshua Garcia at Julia Barretto, ang mga bida ng Un/Happy For You (UFY), kung saan ibinahagi ng dalawa kung paano nila muling pinasigla ang kanilang onscreen connection bilang mag-ex sa totoong buhay sa Tao Po (TP) ngayong Agosto 18, 6:30 PM.
Sa eksklusibong panayam, sinabi nina Joshua at Julia kay Bernadette kung paano sila nagkabalikan bilang onscreen partners at nagbahagi rin sila kung paano ang naging proseso upang muling maibalik ang kanilang natatanging chemistry.
Tampok din sa TP ang UP summa cum laude na si Ingrid Delgado, isang stroke survivor na nagawang malampasan ang kanyang pisikal at mental na mga hamon sa kalusugan.
Ibinahagi ni Ingrid ang kanyang kuwento ng dedikasyon sa kapwa Iska na si Joyce Balancio.
Samantala, handog naman ni Kabayan Noli de Castro sa mga manonood ang kuwento ni Sarah Jane Silvestre, isang fire survivor. Ang sunog na dulot ng sumabog na tangke ng LPG ay nagresulta sa kalunus-lunos na pagkamatay ng kanyang bayaw at isang kapitbahay na tumulong sa kanila sa aksidente. Bilang tugon sa sitwasyon, nagpaabot ng tulong-pinansiyal si Kabayan Noli kay Sarah Jane at sa kanyang batang anak.
Panoorin ang mga kuwentong ito ngayong Linggo (Aug 18) sa TP ganap na 6:30 ng gabi sa Kapamilya Channel, Kapamilya Online Live, A2Z, ABS-CBN News YouTube (YT) Channel, at iWantTFC.
Comments