ni Erlinda Rapadas - @Teka Nga | October 8, 2022
Sa Germany pala nag-celebrate ng kanyang kaarawan ang comedienne-host na si Eugene Domingo last July, 2022. Base sa kanyang IG post, nasa Germany siya ngayon kasama ang kanyang Italian husband na si Danilo Bottoni.
Ngayon lang inilantad sa social media ni Uge ang kanyang Italian husband. At mukhang happy naman siya sa kanyang married life.
Nang matapos ang Dear Uge at Celebrity Bluff, hindi na nasundan ang show ni Uge sa GMA Network. Nag-expire na rin ang kanyang kontrata. At mukhang nasalo ni Pokwang ang mga comedy shows sa GMA-7.
Anyway, matagal din naman na naging bahagi ng GMA Network si Eugene Domingo. For sure, bibigyan din siya ulit ng mga shows kapag bumalik na siya sa 'Pinas. Kung hindi man sa GMA-7 ay sa GTV.
Maging ang Comedy Queen na si Ai Ai delas Alas ay nagpahinga muna sa comedy shows dahil may mga inaasikaso sa USA ngayon. Bumabalik lang siya sa 'Pinas kapag may gagawing project. Isa si Ai Ai sa mga hosts ng The Clash Season 3.
Comentarios