ni Julie Bonifacio - @Winner | January 23, 2022
Mukhang may naganap na balikan kina Kris Aquino and former DILG Sec. Mel Senen Sarmiento.
Nakita kasi ulit namin sa Instagram ni Kris ang mga larawan nila ni Mel na magkasama at mga anak ng Queen of All Media na sina Bimby and Joshua on separate posts.
Last January 3 nu'ng isinulat namin ang pagkawala ng mga dating posts sa socmed accounts ni Kris ng mga happy moments nila ni Mel. Pati ang profile picture ni Kris kasama si Mel after they revealed their relationship ay napalitan ng larawan niya and her two boys.
Hanggang sa nag-post si Kris ng text message sa kanya ni Mel confirming their breakup.
Pero nu'ng isang gabi, umapir ulit sa IG ni Kris ang picture niya na nandu'n si Mel. Unang lumitaw na piktyur ulit ni Mel sa IG ni Kris ay sa group shot nila with Bimby and some of her staff.
Ito 'yung piktyur na may farewell message si Kris para sa kanyang nurse na si Bianca kung saan tinawag niya si Mel ng "Babe" sa caption ng kanyang IG post.
Sumunod na nabalik sa IG ni Kris ay ang video post niya nu'ng padalhan siya ng napakaraming pink roses ng favorite flower shop niya with matching music na You Decorated My Life ni Kenny Rogers.
Dalawa sa mga larawan na kasama sa video post ay 'yung happy moments nila ni Mel with lots of pink roses. 'Yung isang picture ay nakahilig pa ang ulo ni Kris sa dibdib ni Mel habang naka-embrace sa bewang ng kanyang fiancé ang nanay nina Bimby at Josh.
At pati ang favorite singer niyang si Taylor Swift with lyrics na part of her song titled Better Man ay ibinalik na rin, hah?
Naku, huwag ninyong sabihin na hindi n'yo naaalala ang rason kung bakit ipinost ni Kris ang favorite lyrics niya sa kantang Better Man, 'noh?
Anyway, narito ang caption ni Kris sa IG post niya ng fave lines niya sa lyrics ng Better Man,
"When I woke up beside him (Mel) this morning, I really thanked God and thanked my kuya (former President Noynoy Aquino) up in heaven for reconnecting me with #thebetterman.
"Thank you babe.... Nobody has stood up & fought for me the way you have consistently been doing. You have never blamed me for my past, instead you have just loved me for me. Every time I remember last week when we mistakenly thought ready for occupancy na Bimb's unit, (we are leasing 2, unfortunately 1 floor apart) before we left he hugged you tight and said 'I love you Tito Mel, please take special care of mama because I love her so much.' I really thanked God because my beloved bunso both loves & trusts you. #family."
Hope it's true. At gaya ng sabi nila, love is sweeter and lovelier the second time around.
Comments