ni Janiz Navida @Showbiz Special | July 9, 2024
Matagumpay at star-studded ang ginanap na 7th The EDDYS o Entertainment Editors' Choice Awards ng Society of Philippine Entertainment Editors (SPEEd) nu'ng Linggo, July 7, 2024 sa Ceremonial Hall ng Marriott Grand Ballroom, Newport World Resorts sa Pasay City na mula sa direksiyon ng award-winning actor at filmmaker na si Eric Quizon.
Naging maningning ang gabi sa pagdating ng mga big stars na nominees, awardees at performers sa pangunguna ng mag-asawang Dingdong Dantes at Marian Rivera, Piolo Pascual, Julia Montes, Gladys Reyes, Enchong Dee, Cedrick Juan, Romnick Sarmenta at Elijah Canlas.
All-out support din ang mag-asawang Senator Bong Revilla, Jr. at Congresswoman Lani Mercado na nag-present ng major awards, habang dumating din sina OWWA Deputy Administrator Arnell Ignacio, PCSO Director Imelda Papin, Nikki Valdez, Mon Confiado, Joross Gamboa, Beaver Magtalas, Frankie Russell at Max Eigenmann at tumayong presenters sa iba pang categories.
As usual, pinahanga nina Jed Madela at Ogie Alcasid ang mga manonood sa kanilang song performance.
Grabe naman ang energy ng drag queens na Rampa Reynas at nakakabilib din ang biritan sa finale ng mga promising young artists na sina Elisha Ponti at Andrea Gutierrez.
Ang itinanghal na Best Actress sa 6th EDDYS na si Janine Gutierrez (para sa pelikulang
Bakit 'Di Mo Sabihin?) kasama ang Kapuso Millennial It Girl na si Gabbi Garcia at movie and TV actor na si Jake Ejercito ang mga nagsilbing hosts.
Red Carpet host naman ang radio DJ-TV host na si Mr. Fu.
Itinanghal na Best Actress (tie) sina Julia Montes (para sa Five Breakups and A Romance) at Charlie Dizon (Third World Romance) habang waging Best Actor si Piolo Pascual (para sa Mallari).
Tinalo nina Julia at Charlie ang iba pang nominadong sina Star for All Seasons Vilma Santos, Diamond Star Maricel Soriano, Kathryn Bernardo at Marian Rivera.
Hindi nakarating si Charlie kaya si Julia lang ang nakapag-speech, na kinakabahan man daw, nagawa pa ring isa-isang pasalamatan ang mga nakatulong sa kanyang career kaya naabot niya ang kinalalagyan ngayon.
Sayang nga lang at hindi man lang in-special mention ni Julia si Coco Martin sa kanyang pasasalamat gayung very open naman na sila sa kanilang relasyon at todo-post pa nga si Coco ng mga pictures nila ng bakasyon nila sa Spain.
Eh, di sana, feeling wagi rin ang mga fans nila kung isinama ni Julia si Coco sa kanyang thank you speech.
Naka-2 awards…
PIOLO, BEST ACTOR NA, BOX OFFICE HERO PA SA 7TH EDDYS
Tinalo naman ni Piolo sina Dingdong Dantes, Alden Richards, Cedrick Juan, Elijah Canlas at Romnick Sarmenta.
Dalawang trophies ang naiuwi ni Papa P dahil bukod sa kanyang Best Actor award, kasama rin siya sa itinanghal na Box Office Heroes for Mallari together with Dingdong and Marian (Rewind), Julia and Alden (Five Breakups and a Romance) at Kathryn Bernardo (A Very Good Girl) dahil malaki ang ambag nila sa muling pagbangon ng Philippine movie industry.
Ang About Us But Not About Us ng The IdeaFirst Company, Octoberian Films at Quantum Films naman ang nag-Best Picture at Best Director si Jun Robles Lana para pa rin sa naturang movie.
First time ma-nominate ni Gladys Reyes sa The EDDYS kaya tuwang-tuwa siya na siya pa ang itinanghal na Best Supporting Actress para sa Apag at ang Best Supporting Actor naman ay si Enchong Dee para sa GomBurZa.
Nang magkasama sina Gladys at Julia Montes sa backstage, nag-one-liner si Gladys na "Oh, ha? Parehong Clara, nanalo ng award."
Galing nga naman, devah?
Samantala, humakot ng awards ang Mentorque Productions ni Mr. Bryan Dy at ang IdeaFirst Company nina Direk Perci Intalan at Direk Jun Robles Lana para sa minor at technical awards.
Naging isa sa mga highlight ng event ang pagbibigay-pugay sa bagong batch ng EDDYS Icons na itinuturing nang mga haligi ng movie industry na kinabibilangan nina Nova Villa, Leo Martinez, Lito Lapid, Eva Darren at Gina Alajar.
Isang posthumous award din ang ipinagkaloob sa yumaong comic strip creator, movie producer at direktor na si Carlo J. Caparas, na tinanggap ng kanyang mga anak na sina Peach at CJ Caparas.
Ang Isah V. Red Award (ang mga walang sawang tumutulong at nagbibigay-inspirasyon sa mga kababayan nating nangangailangan) ay ipinagkaloob kina dating Ilocos Sur Governor Luis “Chavit” Singson at Quezon City Mayor Joy Belmonte. Ang tumanggap ng parangal ay ang kanyang amang si dating Mayor Sonny Belmonte
Ang Joe Quirino Award ay iginawad sa beteranang broadcast journalist na si Korina Sanchez, habang ang veteran entertainment columnist na si Ronald Constantino ang tumanggap ng Manny Pichel Award.
Ngayong taon, ang Rising Producer Circle Award ay ipinagkaloob sa Mentorque Productions, ang nag-produce ng mga pelikulang My Father Myself at Mallari.
Marami naman ang pumuri sa 7th The EDDYS trophies na gawa ng dating aktor-artist na si Leandro Baldemor.
Mapapanood ang kabuuan ng awards night sa delayed telecast nito sa ALLTV sa July 14, 10 PM.
Ang Brightlight Productions ang line producer ng ginanap na awards night.
Sa pakikipagtulungan ng Newport World Resorts at ALLTV, kasama pa rin ng SPEEd sa pagtatanghal ng The 7th EDDYS ang Globe Telecom at iFern/Kim's Diary bilang major sponsor.
Katuwang din ng grupo ngayong taon si DILG Secretary Benhur Abalos, Mayor Albee Benitez, Beautéderm ni Rhea-Anicoche Tan, Unilab, Frontrow, Kat Corpus Atelier, Sen. Chiz Escudero, Sen. Bong Revilla, Camille Villar, Sen. Nancy Binay, former Ilocos Sur Governor Chavit Singson, Congressman Arjo Atayde, Emelette Gorospe, Rowena Gutierrez, Kamiseta, Casa Juan, at ang Echo Jham Entertainment Production.
Narito ang kumpletong listahan ng mga nagwagi sa 7th The EDDYS:
BEST FILM — About Us But Not About Us (The IdeaFirst Company, Octoberian Films, Quantum Films)
BEST DIRECTOR — Jun Robles Lana (About Us But Not About Us)
BEST ACTRESS — Charlie Dizon (Third World Romance) & Julia Montes (Five Breakups And A Romance)
BEST ACTOR — Piolo Pascual (Mallari)
BEST SUPPORTING ACTRESS — Gladys Reyes (Apag)
BEST SUPPORTING ACTOR — Enchong Dee (GomBurZa)
BEST SCREENPLAY — Jun Robles Lana (About Us But Not About Us)
BEST CINEMATOGRAPHY — Juan Lorenzo “Pao” Orendain (Mallari)
BEST PRODUCTION DESIGN — Mariel Hizon (Mallari)
BEST EDITING — Lawrence S. Ang (About Us But Not About Us)
BEST MUSICAL SCORE — Von de Guzman (Mallari)
BEST SOUND — Immanuel Verona, Nerrika Salim (Mallari)
BEST VISUAL EFFECTS — Ryan Grimarez, Macky Rayanon, Tawong-Lipod Creative Studio (Shake, Rattle & Roll Extreme)
BEST ORIGINAL THEME SONG — Sa Duyan ng Bayan (GomBurZa) Performed by Noel Cabangon, Ebe Dancel and Gloc-9, Music and lyrics by Krina Cayabyab and Gloc-9