ni Nitz Miralles @Bida | December 17, 2023
Ang sipag ni Liza Diño-Seguerra, ang CEO ng Fire and Ice PH Productions, sa promo ng Christmas single ni Ryan Gallagher na The Feeling of Christmas dahil siya na ang host, in-charge pa sa technical, sa interview at pati food served sa promo, tsine-check pa. Si Liza rin at si Ryan ang in-charge sa raffle.
Ang Fire and Ice ang tumulong sa promo ng single ng The Voice alumna, pero ayaw pang kumpirmahin nina Liza at Ice Seguerra na present sa event na sila na nga ang magma-manage sa career dito ng Polish-Irish singer.
If ever na ang Fire & Ice Ph ang maging manager ni Ryan dito, hindi sila mahihirapan dahil perfect interviewee si Ryan. He writes his own songs at next year, ilalabas ang 16-track Christmas album niya.
“The album will have eight original and eight covers Christmas album that I recorded with a 100- piece orchestra. We recorded it in an iconic studio.”
Binanggit ni Ryan si Michael Jackson na kabilang sa mga nag-record sa nasabing studio at iba pang sikat na singers.
Bago ang release ng kanyang Christmas album, may Valentine’s Day concert muna si Ryan sa February 14 sa Manila House. Hindi ito ang magiging first show niya sa bansa dahil may mga ginawa na pala siyang shows before.
Anyway, enjoy interbyuhin si Ryan dahil ang daming tsika. Tinanong namin ito how much did he earn sa maraming shows na ginawa niya before at nagkuwento na. Nag-casino raw siya sa Solaire at nanalo ng more than P2 million!
Nang sabihan naming he is a millionaire, nag-yes agad. Hahaha!
Kaya lang, ubos na yata ang milyones nito dahil ‘yun daw ang ginasta niya pabalik-balik ng Pilipinas na kanyang mahal. Willing nga siya to stay here forever dahil ramdam niyang mahal siya ng mga Pilipino.
תגובות