ni Erlinda Rapadas @Teka Nga | Jan. 30, 2025
Photo: Bossing Vic Sotto at Darryl Yap - IG
Umamin pala ang controversial na direktor ng The Rapists of Pepsi Paloma movie na si Direk Darryl Yap sa korte na hindi totoong ni-rape ni Bossing Vic Sotto ang dating sexy star na si Pepsi Paloma.
Sa panayam sa Net25 ng abogado ni Bossing Vic na si Atty. Enrique Dela Cruz kaugnay ng usapin ng kaso na isinampa ng TV host laban kay Yap, nagpapasalamat daw sila na napagbigyan sila ng korte na itigil ang pagpapalabas ng teaser kung saan direktang nababanggit ang pangalan ni Vic.
Ito’y matapos nga raw sabihin ni Direk Darryl na hindi totoong ni-rape ng TV host si Pepsi.
Ang tanong ngayon, kung umamin na pala si Yap na wala namang rape na nangyari, ano pa kayang gimik ang gagawin nito para ibenta ang kanyang pelikula?
Iaatras pa kaya ni Bossing Vic ang kaso at maaawa kay Yap dahil sa pag-amin nito o tutuluyan niya pa rin ang direktor para maturuan ng leksiyon sa panggagamit sa kanya?
Kaya ‘di nag-aaway kahit 2 na ang anak…
PAULEEN, TODO-ADJUST PARA KAY BOSSING VIC
Walang away at wala ring tampuhan sa showbiz couple na sina Bossing Vic Sotto at Pauleen Luna. Sa mga interviews sa kanila ay madalas na itinatanong kung meron bang mga bagay na hindi nila mapagkasunduan, at minsan ay pinag-aawayan. Natural lang kasi sa mag-asawa na may konting tampuhan at little quarrels, nagdaragdag daw ito ng kulay at excitement sa kanilang pagsasama.
Pero, wala talagang masabi ang veteran Eat…Bulaga! (EB!) host dahil sa loob ng ilang taon nilang pagsasama bilang mag-asawa ay wala pa silang naging seryosong away o tampuhan ni Pauleen (Poleng).
Tanggap naman ni Poleng na kailangan niyang mag-adjust kay Bossing Vic at effective naman ito dahil kahit dalawa na ang anak nila ay super sweet pa rin sila sa isa’t isa.
Larawan sila ng isang masayang pamilya at ‘yun ang bentahe ng pagiging mas mature ni Bossing Vic Sotto—malawak ang pang-unawa niya sa maraming bagay. Hindi sila basta mapaghihiwalay ng mga taong naiinggit sa kanilang pagmamahalan.
PAREHONG mahilig magluto sina Dina Bonnevie at Danica Sotto, kaya ito ang bonding nilang mag-ina kapag nagkikita at nagkakasama.
Minsan ay may request sina Danica at Oyo Sotto sa kanilang mom na magluto ng paborito nilang ulam noong maliliit pa sila. Si Danica naman, nagluluto para kay Dina ng mga bagong recipe at putahe na kanyang natutunan. Nagse-share sila ng kani-kanilang cooking tips sa isa’t isa.
Kaya minsan ay nababanggit ni Dina na puwede sila ni Danica na kunin at gawing endorser ng anumang pagkain, produkto, o rekado na gamit sa pagluluto.
Isa pa sa mga wishes ni Dina ay ang magkasama sila ni Danica sa isang cooking cum talk show na tatalakay sa daily lives ng mga maybahay. Puwede silang mag-guest ng mga female celebrities na magbibigay ng advice sa mga kababaihang may problema sa kanilang buhay may-asawa.
Parehong madaldal at smart sina Dina at Danica, kaya umaatikabong kuwentuhan ang mangyayari kapag pinagsama sila sa isang show.
Well, good idea ito, at sana nga, matuloy na magkaroon ng Dina-Danica cooking show.