Taob ang kay Vice… BAGONG BAHAY NI KATHRYN, NASA P1 BILYON

ni Julie Bonifacio @Winner | January 11, 2023

Proud na nag-share si Kathryn Bernardo ng latest development sa bonggacious na bahay na ipinapatayo niya para sa kanyang pamilya sa may kataasang location sa labas ng Metro Manila sa kanyang Instagram.

Batay sa mga larawan na nakuha sa loob at labas ng kino-construct na bahay ni Kathryn, posibleng umabot sa P1B ang halaga nito kapag naitayo. Kasama na riyan ang lote, swimming pool at furniture.

Yes, Ateng Janiz! Feeling namin ay may swimming pool kahit ‘di pa man namin nakikita ang picture nito sa mga ipinost ni Kathryn sa kanyang Instagram.

Sa laki ng lote at overlooking na view ng Metro Manila, imposibleng ‘di lagyan ni Kathryn ng swimming pool ang bahay niya.

Caption ni Kathryn sa IG post niya ng mga larawan sa ipinapatayo niyang bahay: “Final push!”

Kasamang bumisita ni Kathryn sa kino-construct na bahay niya ang kanyang ina na si Min Bernardo at younger sister na si Lhexine.

Mukhang kakabugin nito ang multi-million peso valour ni Vice Ganda na bath tub pa lang ay halos P1 M na ang halaga.

Last March 2020 nu’ng simulan ang construction ng bahay ni Kathryn at ng kanyang pamilya.

Take note, para sa pamilya ni Kathryn at ‘di para sa bubuoin nilang pamilya ni Daniel.

Post ni Kathryn during the groundbreaking ceremony ng bahay niya, "The construction of our dream home has officially begun. I still can’t believe it’s finally happening after 3 years of planning!"

A year before ng groundbreaking ng bahay ni Kathryn, ikinuwento niya sa Kapamilya morning celebrity talk show na Magandang Buhay kung paano niya nabili ang lote para sa kanyang dream house.

"Dream ko talaga na maipatayo ‘yung dream house namin ni Mama. Pero hindi kasi joke ang gagastusin, tapos ang daming priorities. So sabi namin, baka next year. Tapos, patagal na siya nang patagal bago masimulan," lahad niya sa Magandang Buhay.

Dagdag pa niya, “Gusto ko kasi, kapag nagpatayo ng dream house, ‘yung gusto na namin, ‘yung nae-envision ni Mama kung ano ang gusto ko, lahat, sa buong family. So hopefully, mag-start na ‘yung construction soon. Kayod pa."

Siguro, ang dream house para sa family ni Kathryn ang hinihintay na lang ng kanyang on-and-off screen partner na si Daniel Padilla para makapag-propose na siya sa kanyang girlfriend.

Well, let’s see.