ni Estrellia de Luna @Panaginip gabay ng buhay | Marso 4, 2024
Analisahin natin ang panaginip na ipinadala ni Von ng Taguig.
Dear Maestra,
Napanaginipan ko na naglalaro ako ng dice. Maya-maya ay naglaro naman ako ng shooting games kasama ang aking mga kaibigan hanggang sa may nakita akong ibon at agad ko itong binaril.
Ano ang ibig sabihin ng panaginip ko?
Naghihintay,
Von
Sa iyo, Von,
Ang ibig sabihin ng panaginip mo na naglalaro ka ng dice ay makakaranas ka ng biglaang pagbabago sa buhay mo. Uunlad na ang iyong kabuhayan at magtatagumpay ka na sa lahat ng iyong pinaplano.
Ang naglaro ka rin ng shooting games kasama ng mga kaibigan mo ay senyales na tuluy-tuloy na ang paglago ng iyong negosyo, kikita ka ng malaki at yayaman ka na rin.
Samantala, ang may nakita kang ibon at binaril mo ang mga ito ay tanda na magagapi mo ang mga kaaway mo, at hindi sila magtatagumpay na pabagsakin ka.
Matapat na sumasaiyo,
Maestra Estrellia de Luna
Komentar