ni Nitz Miralles @Bida | December 12, 2023
Pinagtatalunan sa isang Instagram page na nakapangalan kay Heart Evangelista kung binili ba niya o ipinahiram lang sa kanya ang worth P23 million Cartier necklace na suot niya sa isang event.
May nag-comment kasi na ang common practice, ipinapahiram sa mga sikat na celebrities ang ganitong milyones na jewelry para mai-introduce, pero may sumagot na binili ni Heart ang nasabing Panthere de Cartier necklace na talaga namang maganda at tingin pa lang, sobra nang mahal.
May pa-shade pa nga ang ilang netizens na tiyak may maiinggit na naman kay Heart at may mga gagaya. May mga hindi naman makapaniwala na binili ni Heart ang necklace, kaya ang mabuti nito, tanungin siya kapag nakita.
Anyway, 'kaaliw ang hirit ng ibang fans na natuwa na bati na sina Heart at Marian at puwede na ngang makita at makunan ng larawan nang magkasama. Sana raw, magpa-block screening si Heart ng Rewind, ang movie nina Marian at Dingdong Dantes na entry ng Star Cinema, Agosto Dos Films at APT Entertainment sa 2023 Metro Manila Film Festival.
Imbitahan daw ni Heart ang mga common friends nila ni Marian na naging way para sila’y magkabati.
Kaya nai-suggest ito ng mga fans dahil nagpa-block screening na si Heart ng Hello, Love, Goodbye nina Alden Richards at Kathryn Bernardo at Five Breakups and A Romance nina Alden at Julia Montes.
Ano nga kaya at mangyari ito? Lalong sasaya ang mga fans ng dalawang reyna ng GMA Network kapag nangyari.
Kommentare