ni Lolet Abania | November 9, 2022
Inanunsyo ng Manila Electric Company (Meralco) ang pagtaas ng singil sa kuryente ngayong Nobyembre.
Sa isang advisory ngayong Miyerkules, sinabi ng Meralco na tinatayang nasa P0.084/kwh ang magiging dagdag sa billing statement ng mga customers.
Ayon sa Meralco, nasa P9.9472/kWh na ang singil sa kuryente ngayong Nobyembre kumpara sa P9.8628/kWh noong Oktubre.
Para sa mga kumokonsumo ng 200 kwh kada buwan, magkakaroon ng dagdag-singil na P16.80, sa mga kumokonsumo ng 300kwh ay nasa P25.20, sa kumokonsumo ng 400kwh ay nasa P33.60, at kumokonsumo ng 500kwh ay nasa P42.00.
Ayon pa sa power distributor, ang dagdag na singil sa kuryente ay bunsod ng P0.0725 na pagtaas sa generation cost.
Habang tumaas naman ng 1.19 centavos/kWh ang transmission taxes at iba pang singilin para sa residential electric consumers.
Comments