ni Erlinda Rapadas @Teka Nga | Nov. 27, 2024
Photo: Darren Espanto at Cassy Legaspi - NP / Rei Anicoche Tan FB
Samantala, na-curious kami nang makita naming sweet na naman sina Darren Espanto at Cassy Legaspi na parehong um-attend sa birthday party ni Ms. Rhea Tan kamakailan.
Parehong endorsers ng Beautederm ang dalawa na minsan na ring na-link lalo na nu'ng makasama sila sa movie nina Vilma Santos at Christopher de Leon sa nakaraang MMFF 2023, ang When I Met You in Tokyo.
Pareho namang single ngayon sina Darren at Cassy at wala pa ring ibang nali-link sa kanila kaya kung maging close uli sila, wala namang masama.
MEMORABLE birthday gift para sa CEO ng Beautéderm, Inc. na si Rhea Anicoche Tan ang karangalang natanggap niya kamakailan.
Siya ang hinirang na Darling of the Press ng Philippine Movie Press Club (PMPC) sa katatapos lang na 39th Star Awards for Movies.
Bukod dito, siya rin ang ginawaran ng Diamond Award for Excellence in Business and Wellness ng Pampanga Press Club.
Sobra ang dedikasyon at sipag ni Rhea Tan sa kanyang Beautéderm business, kung saan mga sikat na celebrities ang kanyang mga brand ambassadors.
Mahal ni Rhea Tan ang kanyang mga endorsers at itinuturing na niyang pamilya ang mga ito.
Well-loved siya ng kanyang celebrity endorsers dahil sa pagiging down-to-earth, humble at generous.
Congratulations, Ms. Rhea Anicoche Tan and belated Happy Birthday!
Akala mo vice-president, ha? BAGUHANG AKTOR, TALO PA ANG DYOWANG MAY-ARI NG BAHAY, TODO-UTOS SA MGA KASAMBAHAY
BLIND ITEM:
USAP-USAPAN ngayon sa showbiz ang baguhang aktor na nagkaere at may attitude na matapos maging jowa ng isang sikat na celebrity.
Kung umasta raw ang baguhang aktor ay parang siya ang may-ari ng mansion ng kanyang jowa. Grabe raw itong mag-utos sa mga kasambahay, kaya inis na inis ang mga ito sa kanya. Daig pa raw ng baguhang aktor ang mismong may-ari ng bahay kung mag-utos.
May mga sikreto rin daw ang baguhang aktor na alam ng mga kasambahay, kabilang na ang pagkakaroon nito ng anak. Tiyak na makakaapekto ito sa kanyang career kapag nalantad sa publiko.
Ang tanong ng mga netizens, alam kaya ng sikat na celebrity na may anak na ang jowa niyang aktor? Mananahimik na lang ba ito at magpapakamartir para lang hindi siya iwan ng spoiled niyang jowa?
LUBOS ang pasasalamat ni Roderick Paulate kay Nora Aunor at sa NV Productions dahil sa pagkakataong makasama siya sa pelikulang Alkitrang Dugo (AD) na naging matagumpay at pinag-usapan sa buong showbiz noon.
Kaya naman, nang siya ang nahirang na recipient ng Nora Aunor Ulirang Artista Lifetime Achievement Award, dito niya idinaan ang kanyang pasasalamat sa Superstar at National Artist na si Nora.
Limampu’t walong taon na sa showbiz si Roderick, na nagsimula bilang child actor. Nakagawa na siya ng 150 pelikula. Marami sa mga ito ay produced ng Regal Films ni Mother Lily Monteverde.
Hindi rin niya nakalimutang pasalamatan ang Seiko Films, kung saan gumawa siya ng dalawang pelikula — Ako si Kiko, Ako si Kikay at Leron, Leron Sinta (LSS).
Nagpapasalamat din si Roderick dahil aktibo pa rin siya sa paggawa ng pelikula at patuloy na kinukuha ng mga producers.
May sitcom din siya sa TV5, ang Da Pers Family (DPF), kasama sina Aga Muhlach, Charlene Gonzales, Bayani Agbayani, Atasha at Andres Muhlach.
תגובות