ni Vinia Vivar @Frankly Speaking | June 14, 2024
IPpinakitang muli ni Ian Veneracion ang kanyang all-out support sa lesbian daughter na si Deirdre Veneracion.
Sa kanyang Instagram account ay ipinost ni Ian ang larawan ng anak bilang parte ng cover ng Preview Ph magazine ngayong Hunyo. Sa caption ay ipinagtanggol niya ang anak sa mga bashers at inihayag kung gaano siya ka-proud bilang ama.
“Seriously, let’s all just cut the bullsh*t. People should be honored and respected for their compassion, courage, and integrity—not for the choices they make in the privacy of their bedrooms,” pahayag ni Ian.
“Proud of my daughter for embodying these values. Who she loves is her business. Proud Daddy,” saad pa niya.
Matatandaang taong 2020 nang aminin ni Ian sa publiko na nag-come out daw sa kanya ang kanyang anak nu’ng 16 years old ito.
Kuwento ni Ian sa guesting nilang mag-ama sa Magandang Buhay, “Dumating s’ya, medyo teary-eyed, sabi n’ya, ‘Daddy, I'll tell you something.’ Sabi ko, ‘What? Sit down.’ Sabi niya, ‘I like girls.’ Sabi ko sa kanya, ‘Me also, I like girls.’”
Dagdag pa niya, “Tapos, nagtataka s’ya. ‘It's okay?’ ‘Yes. Just don't ever be apologetic about it, not even to me. You can be whoever you want to be. And I have full support.’”
Ayon pa kay Ian, gusto niyang mabuhay ang anak niya na malaya at proud sa sarili.
“Nakakapanghinayang lang, isa lang ang buhay natin. Tapos apologetic ka pa, mahihiya ka sa sarili mo, hindi mo mailabas ang pagkatao mo, what a waste of life,” sey niya.
Nominado sa Asia Star Awards sa Korea…
KIM, TODO-HINGI NG BOTO SA MGA FANS
Bongga si Kim Chiu dahil isa siya sa mga nominado sa kategoryang Asia Star Awards sa Seoul International Drama Awards 2024.
Inanunsiyo na ang list of nominees sa nasabing kategorya at makakalaban ni Kim ang 5 pang aktor mula sa iba’t ibang Asian countries.
Kabilang dito ang Singaporean actor na si Desmond Tan, Malaysian actress Emily Chan, Indonesian actress Ochi Rosediana and Thai actors Blue Pongtiwat and Poompat Iamsamang.
Inanunsiyo rin ng mga organizers na ang basehan sa pagpili ng winner ay through online voting mula June 15 to July 14.
Kaya naman matapos ang announcement ay agad na nag-tweet si Kim at humihingi ng boto sa kanyang mga fans all over the world.
“Sana po ay iboto n’yo ako,” caption ni Kim.
Ibinahagi rin niya ang link kung paano i-download ang application para maiboto siya.
Gaganapin ang 2024 Seoul International Drama awarding ceremony on Sept. 25 at the KBS Hall.