ni Erlinda Rapadas @Teka Nga | Feb. 3, 2025
Photo: Gretchen Barretto - FB
Sa kabila ng bali-balitang nagkakalabuan na sina Sunshine Cruz at Atong Ang, may kumalat na post sa social media na nagpadala ng bouquet of roses na may kasamang singsing ang millionaire businessman sa kanyang GF na aktres. Worth P2 million daw ang nasabing singsing. Maagang Valentine’s gift umano ito ni Atong Ang.
Sey naman ng ilang netizens, baka nanunuyo lang si Atong Ang dahil nagkaroon sila ng tampuhan ni Sunshine, kaya pati ang regalong kotse ni Atong ay isinoli raw ng aktres.
Pero marami ang naiintriga dahil halos kasabay ng paglabas sa social media ng regalong bulaklak at singsing ni Atong Ang kay Sunshine ay nag-post naman si Gretchen Barretto na ipinakikita niya sa kanyang mga amiga ang bagong bili niyang diamond ring na 5 carats ang kilatis. Tiyak na milyones din ang halaga ng diamond ring ni La Greta.
Sey naman ng mga kaibigan ni Gretch, hindi na raw kailangan ng aktres ang sinumang sponsor para bumili ng alahas. Kayang-kaya naman daw bumili ni Gretchen ng mamahaling alahas. May pinatatamaan kaya ang kampo ni La Greta?
AT this point of her life, mukhang hindi na priority ni Bea Alonzo ang magpakasal at magkaroon ng anak. Nang makipag-break siya kay Dominic Roque at makansela ang plano nilang pagpapakasal ay hindi na binigyan ng panahon ni Bea ang kanyang love life at paghahanap ng kanyang Mr. Right.
Sa kanyang career na lamang siya nag-concentrate at sa pagtutok sa kanyang mga negosyo. Tanggap na rin ni Bea na sadyang hindi pa siya makatagpo ng lalaking magiging katuwang niya sa buhay.
Katwiran niya, darating din ang kanyang “the one” kung sadyang ibibigay sa kanya. Hindi na niya kailangan na maghanap pa.
Marami ang nagsasabing nai-intimidate ang mga gustong manligaw kay Bea dahil napakayaman niya at sikat na sikat pa.
Setback kay Bea Alonzo na bilyonarya siya at isang celebrity. Ang dapat niyang matagpuan ay isang self-made man na successful na at hindi maa-outshadow ni Bea. ‘Yun ang lalaking nababagay at katapat ni Bea Alonzo.
LUMALAKAS ang following ng Singing Queens ng Eat… Bulaga! (EB) na binubuo nina Eunice Jane, Sam Rascal, Jean Drilon, Anne Ferrer, at Khayzy Bueno. Aliw na aliw ang mga viewers ng EB! sa kanila.
Bukod sa magaganda at magagaling kumanta, ay game na game rin sila kahit ano ang ipagawa sa kanila sa show. Maitutulad sila sa kasikatan noon ng Sexbomb Girls.
At dahil araw-araw silang napapanood sa Pera o Bayong segment ng EB!, marami na ang nakakakilala sa Singing Queens. Hinahasa rin ang hosting skills ng SQ.
Bukod kina TVJ, Jose Manalo, Allan K, Maine Mendoza, Wally Bayola, Paolo Ballesteros, Ryzza Mae Dizon, Atasha Muhlach, Miles Ocampo, at Carren Eistrup, dagdag-attraction din sa EB! ang Singing Queens.
Masaya ang bawat episode ng EB!, at marami silang natutulungan sa kanilang Sugod Bahay portion.
ANG sipag-sipag at halos walang kapaguran si Yorme Isko Moreno sa kanyang pag-iikot sa mga distrito ng Maynila. Napakarami niyang imbitasyon para sa iba’t ibang events—halos lahat ay kanyang pinagbibigyan.
Naglaan siya ng oras upang dumalo sa oathtaking ng mga bagong opisyales ng PMPC na ginanap sa Hotel Adriatico, Malate. Siya ang nag-officiate ng oath-taking at nagpa-dinner para sa lahat ng dumalo.
Pansin lang namin kay Yorme Isko, wala siyang masyadong kasamang bodyguards kapag lumalakad. Walang mga hawi boys at hindi heavily guarded.
Kaya tinanong namin kung wala ba siyang natatanggap na death threats ngayong mainit ang labanan sa pagka-mayor ng Maynila?
Sa mga surveys ay nangunguna si Yorme Isko Moreno. Buo pa rin ang tiwala sa kanya ng majority ng mga Manileño. Naniniwala sila na maipagpapatuloy ni Isko ang magagandang projects na sinimulan niya sa Maynila.
Comments