ni Ronalyn Seminiano Reonico @What's In, Ka-Bulgar | August 20, 2024
Sa lilim ng ulap, asul na tila pira-pirasong diyamante,
Musika ng uniberso, awit ng alon na tila higante,
Buhangin sa baybay na tila mga ginto ng biyaya,
Sa lilim ng araw, buhay ay tila isang pangarap na ligaya.
Ngunit sa ilalim ng pinalang araw, lihim ay nakakahon,
Dagat ay nagkukuwento ng mga tanong sa bawat alon.
Kislap ng mga bituin, dala-dalay kakaibang kulay,
Tunay na sumisimbolo ng pagsasalamin ng buhay.
Sa ilalim ng dagat, makikita ang katotohanan at mga aral.
Na ito ay isang paglalakbay ng mga pangarap at dasal,
Ngunit ang totoong aral ay sa lupa, sa bawat hakbang ng buhay.
Tunay na ligaya’y wala sa baybayin, kundi sa sandali ng buhay.
Comments