ni Lolet Abania | June 2, 2021
Nasunog ang isang tindahan sa Starmall shopping center na matatagpuan sa Shaw Boulevard sa Mandaluyong ngayong Miyerkules nang umaga.
Sa natanggap na report ng Bureau of Fire Protection (BFP), sumiklab ang apoy alas-6:42 ng umaga at itinaas ito sa unang alarma habang idineklarang fire out nang alas-6:50 ng umaga ngayong araw.
Ayon pa sa ulat, nagsimula ang sunog sa isang store na nasa parking lot ng mall kung saan ginawa na itong tiangge. Inaalam pa ng mga arson investigators ang sanhi at pinagmulan ng sunog.
Sa ngayon, hinihintay pa ang pahayag ng pamunuan ng Starmall hinggil sa nasabing insidente.
Commentaires