ni Jemuel C. Salterio @Talbog | Dec. 27, 2024
Sa umpisa ng pelikulang Uninvited, mga Ka-BULGARians, parang ang awkward lang. Alam mo ‘yung feeling na parang hindi ka invited sa eksena?
Si bida, rumarampa lang nang walang kaabug-abog. At ikaw? Nasa gilid, nag-aabang.
Pero wait lang, biglang binuksan niya ang pinto ng buhay niya at girl, ginulantang tayong lahat! From chill to thrill, besh! Ganern ang plot twist na deserve nating lahat.
Adrenaline rush, check!
Simula sa simpleng eksena, dahan-dahang tumindi ang tension. Ang bawat sandali, para kang hinihila sa rollercoaster ng emosyon. Grabe ang climax, ‘teh—worth it talaga! Lahat ng technical elements ng pelikula, parang pinasadya para sa sensory overload.
Ang editing, cinematography, at sound design? Chariz, all on point!
Bes, si Aga Muhlach, wala nang iba. Siya ang pinakaswak sa role niya.
Ang mukha niya? Charismatic, pero ang mga kilos, untamed. Ang wildness niya, nakakatakot minsan, pero parang gusto mo pang panoorin. Siya ‘yung tipo ng aktor na kahit kulang ang depth ng karakter niya sa script, kayang punuan ng performance.
Sana lang, binigyan siya ng mas layered na kuwento para mas patas ang laban.
Si Vilma Santos, she is the “queen” we deserve. Ito na, Mare, Vilma Santos, ang reyna ng pelikula. Seryoso, kung hindi siya mananalo ng Best Actress, isang malaking krimen ‘yan!
Ang boses niya sa pelikula, parang gabay mo sa madilim na kuwento. ‘Yung mga iniisip niya, nakakatawa at nakakaawa minsan, kaya sasamahan mo siya hanggang dulo.
Isa lang ang masasabi ko—Eva (Vilma's character) runs the world, at walang makakapigil sa reign niya.
Kung may bagong it-girl na dapat abangan, si Gabby Padilla na ‘yun. Ang galing ng facial expressions niya, ateng! Rich and emotional depth ang peg niya. Deserve niyang tawaging isang “hiyas” ng industriya.
Pero si Nadine Lustre? ‘Kaloka!
Okay, time for the tea. Si Nadine? Medyo kulang, bes. Hindi ganu’n ka-convincing ang atake niya sa role. Hindi siya nag-standout tulad ng inaasahan. Sayang, kasi malaki dapat ang impact niya sa pelikula. Baka next time, ‘teh, mas bongga na! Hays!
Sayang ang ibang characters! Ang daming underutilized na aktor, like Elijah Canlas at Tirso Cruz III. Paano nangyari ‘yun, mga ‘teh? Ang ganda sana ng papel nila kung nabigyan lang ng tamang screen time.
Si Nonie Buencamino, kahit saglit lang ang eksena, may lasting impact, tumatak talaga siya. Pero ‘yung ibang characters? Parang fillers lang para may maipasok sa eksena.
Sana, mas solid ang script!
May mga pagkakataon na parang pilit lang ang kuwento, lalo na sa mga usapan. May eksenang mapapaisip ka, “Bakit ang hina ng security ng makapangyarihang taong ‘to?” Charaught, pero legit! Mas maganda sana kung mas binigyan ng lalim ang motivations ng mga tauhan, lalo na ang kalaban ni Eva.
Kahit invited ka o hindi, ateng, huwag kang paawat! Isa itong pelikula na dapat mapanood. Isa itong celebration ng female empowerment sa Philippine cinema. Si Eva ang reyna, at walang makakapigil sa kanya.
Kaya, mga nini, let’s crash the gates of wherever at samahan si Eva sa kanyang parade. Basta huwag kang magpapaulan ng nega vibes. All hail the queen, Vilma Santos!
‘Yun na! Ambooolancia!#ChairmanNgChikahan
Comments