ni Reggee Bonoan @Sheet Matters | May 15, 2023
BLIND ITEM:
Sa kawalan ng mga regular projects ay rumaraket bilang events coordinator ang sikat at mabait na aktres na kilala rin sa larangang ito.
Ito ang press release niya na kapag wala siya sa harap ng kamera ay kailangan niya ng ibang sideline dahil siya ang breadwinner ng kanyang pamilya.
Heto na ang kuwento, itong si so-so actor ay may ipinakitang listahan ng mga female stars na puwedeng maging tourist guide ng mga kilalang negosyante na gustong mamasyal sa ibang bansa.
Nagulat ang katsika naming aktor dahil nasa listahan ang sikat at mabait na aktres na ang drama ay events coordinator siya, na puwede nga naman dahil sinasamahan niya ang kanyang mga clients sa pamamasyal which makes sense, pero may kakaibang raket palang escort service.
Doon lang nagbalik-tanaw ang katsika naming aktor na kaya pala kahit walang regular projects ang kilala at mabait na aktres ay well-provided nito ang kanyang pamilya at may sarili silang magandang bahay.
Well, saludo pa rin kami sa sikat at mabait na aktres dahil pinaghihirapan naman niya kung anuman ang kanyang kinikita at wala siyang tinatapakang tao.
Comments