ni Erlinda Rapadas - @Teka Nga! | December 17 , 2021
Ginawang isyu laban kay Sen. Manny Pacquiao ang pamumudmod niya ng pera kapag siya ay nag-iikot sa iba't ibang bayan-lalawigan.
Ang laki-laki raw ng kanyang ginagastos sa kampanya at idinadaan na lang niya sa pera ang lahat upang makakuha ng maraming boto. Nasisilip ito ng kanyang mga kalaban sa pulitika.
Pero, depensa naman ni Pacman, hindi pa siya pulitiko noon ay namimigay na siya ng pera sa mga tao. Isine-share lang daw ni Pacquiao kung anuman ang kinikita niya kapag nananalo siya sa kanyang mga laban.
Hindi lang ngayon na kumakandidato siyang pangulo niya ginagawa ang pagbibigay ng pera kapag siya ay nag-iikot.
Dagdag pa ni Pacman, maging ang ilang kandidato ay palihim na namimigay ng pera sa mga botante. Bakit siya lang ang nasisilip ng kanyang mga detractors?
Comments