ni Julie Bonifacio @Winner | Mat. 14, 2025
Pati si Vhong Navarro ay nabiktima na rin ng pamba-bash sa social media pagkatapos ng mga kapwa niya hosts sa It’s Showtime (IS) na sina Vice Ganda at Kim Chiu.
Binatikos ng mga netizens si Vhong dahil naman sa binasa niyang spiel sa IS na akala ng mga ito ay patutsada sa hinuling dating pangulo na si Rodrigo Roa Duterte.
Ipinost ni Vhong sa X (dating Twitter) ang spiels niya na nakasulat sa script.
“Vhong: What’s up, what’s up, madlang people! Parang may iba sa ngiti n’yo ngayon! Parang ngiting may inspirasyon! ‘Yung ngiting may dahilan ka para bumangon. Ganyan nga, ganyan nga! Sa kabila ng gulo at ingay, sana mahanap ninyo ang inyong dahilan ng paghinga... at ang inyong pahinga! I say…dasurv! (deserve).”
Binigyan ito ng ibang interpretasyon ng mga kritiko ni Vhong at ng IS, kaya naman dinepensahan ng TV host ang sarili sa pamamagitan ng post niya sa X kahapon.
Caption ni Vhong, “Ako po ay nagtatrabaho lang at binasa ko lang ang spiels ko. Wala po akong masamang intensiyon. Love and peace!”
Inayunan ng ibang mga netizens ang sinabi ni Vhong.
“Lagi namang ganyan spiels n’yo sa Showtime. Bakit sila triggered? (laughing emoji).”
“‘Di ba lagi namang ganyan spiels sa mga noontime show? Uplifting and lively dapat ang spiels. Bakit binibigyan n’yo ng kahulugan?”
“Magsitigil nga ang nagbibigay ng kahulugan. Simpleng pagbati, pinapalaki n’yo.”
May mga threats na rin daw na ibinabato sa mga hosts ng IS.
Sey ng netizen, “Grabe ‘yung bashing sa inyo lalo na kay Kim, may death threats pa! ‘Pag ‘yan pinagbabaril na naman ‘yung kotse, kasalanan n’yo ‘yan, @itsShowtimeNa kung anu-anong threats binibitawan nila, sasabuyan ng tubig, ipapa-rape, papatayin sa mall shows!”
Hala! ‘Kalokah!