ni Beth Gelena @Bulgary | Nov. 5, 2024
Photo: Kobe at Kyline - FB
Kinumpirma na ni Kobe Paras na nagde-date na sila ni Kyline Alcantara.
Sa interbyu ng Cosmo Philippines Cosmo Confessions series na naka-upload sa magazine’s YouTube (YT) channel, ibinahagi ni Kobe ang feelings niya sa Kapuso actress.
Natanong siya kung sino ang biggest crush niya sa showbiz, at walang hesitation na sumagot ang basketbolista, “Kyline Alcantara, because we’re dating.”
Kinilig tuloy ang mga fans ng dalawa na naghihintay lang kung sino ang aamin sa kanila. Though, ine-expect naman na nilang may malalim nang relasyon ang mga ito.
Ayon kay Kobe, una niyang na-realize na may feelings siya sa aktres dahil sa role nito sa Shining Inheritance (SI) earlier in 2024.
Aniya, he admires qualities like kindness and respect in a girl, na nakikita niya sa katauhan ni Kyline.
Ang pag-amin ni Kobe ay nakadagdag sa new level of excitement sa kanilang relationship, as fans have already been watching them closely this year.
Nagsimula ang rumors ng kanilang budding romance after they starred together sa Miss Legends (ML), video series na ipinalabas nu'ng September.
Ang lakas umano ng kanilang onscreen chemistry kaya biglang nagkaroon agad ng mga fans ang dalawa. Nakitaan daw ng senyales na may nabubuong romance behind the scenes.
Sa pag-amin ni Kobe Paras sa real score nila ni Kyline Alcantara, lalong kinilig ang mga fans.
PINAGTRIPAN ni Darren Espanto ang kanyang beshie na si Kim Chiu.
Ibinahagi niya ang video clip ng eksena ni Kim na sinasapian sa horror movie na The Healing (TH).
Ani Darren, “The true healing was Kim’s look in the movie, The Healing.”
Ibang-iba kasi ang hitsura ng Chinita Princess kung saan biktima siya sa nasabing movie na pinagbibidahan ni Vilma Santos-Recto.
Ayon naman kay Kim, ang totoong ‘healing’ ay si Camille Prats sa pelikula nitong Hiling.
Well, magkasundung-magkasundo sina Kim at Darren pagdating sa bardagulan. Once na nagbiro si Kim at binirahan ng sagot ng singer na may patama sa aktres, bibirahan ito ni Kim ng tawa saka sasabihing “Bestie!”
Madali namang makiramdam si Darren, lalo na kapag tungkol sa love life ni Kim ang kanilang topic.
Kapag ganu’n na ang topic ng kanilang usapan sa It’s Showtime (IS) na idinadaan sa biro, bigla nang ililihis ni Darren ang kanilang biruan. Hindi niya tuluyang ‘ilalaglag’ ang kanyang bestie.
Samantala, nag-collab ang dalawa sa live show ng variety show na ASAP nitong Linggo. Viral ang kanilang performance na song and dance na APT.
“Ang bilis din naman ng pagkaka-collab niya, oh! Iba rin! Bruno Mars ka d’yan, Bestie?!” ani Kim.
IPINASILIP ni Angelica Panganiban ang napakasimpleng birthday celebration niya sa kanyang uploaded video sa Instagram.
November 4 ang actual birthday ng aktres, pero November 3 pa lang ay nag-advance celebration na silang mag-anak.
Nakaka-touch ang caption na isinulat ni Angge sa kanyang video post: “Exactly how I wanted to celebrate my birthday. Kayo lang, sapat na.”
Sa special day ni Angge, kasama niya ang hubby niyang si Gregg Homan with their daughter Bean sa pag-a-island hopping sakay ng boat.
Naka-swimming attire na ang Homan family para reding-ready nang maligo pagdating sa beach na kanilang mapipili.
Komento ng mga netizens:
“Ang simple, pero mahirap ma-achieve.”
“Happy birthday, Angge. Ang gandang panoorin kayong pamilya, makikita talaga ang kabaitan ng hubby mo at sarap panoorin ang pretty cute Bean. Love you, guys.”
Ang daming celebrities na hindi nakalimot na bumati kay Angge kahit matagal-tagal na rin siyang absent sa showbiz.
Ang nakakatuwa sa aktres, bawat celebrity na bumabati sa kanya’y nire-reply-an niya isa-isa para pasalamatan.
Comentários