Sa una lang daw sweet, nakakaumay na… HIRIT NG NETIZENS: DEREK AT ELLEN, MAGHIHIWALAY DIN!
- BULGAR
- May 3, 2021
- 1 min read
Erlinda Rapadas - @Teka Nga! | May 03, 2021
Noong inamin sa publiko nina Derek Ramsay at Ellen Adarna ang kanilang relasyon ay marami ang na-excite sa kanilang mga posts sa social media.
Lahat na yata ng kanilang kilos at ginagawa ay naka-post at updated sa Instagram at Facebook. Ang kanilang mga road trips, party-party, sabay na pagdyi-gym at pagtulog ay documented. Meron pa silang kakaibang version ng TikTok at ‘yung harutan nila sa beach na medyo hindi nagustuhan ng mga netizens.
Mukhang ini-enjoy naman nina Derek at Ellen ang kanilang pinaggagagawa na ipino-post at isine-share sa publiko. ‘Yun daw ang kanilang “real selves” kaya nagpapakatotoo sila sa kanilang sarili basta wala silang inaagrabyado at tinatapakang sinuman.
Pero, may mga nagsasabing nasosobrahan na ang ginagawang pagdi-display o PDA nina Derek at Ellen. May sawa at umay factor na. Baka naman may gusto lang silang inggitin sa kanilang pinaggagagawa?
Ang tanong, nag-react ba naman sina Andrea Torres at John Lloyd Cruz?
Well, pagkatapos ng kasal nina Derek at Ellen, ganoon pa kaya sila ka-sweet sa isa’t isa? May mga nagpupustahan nga na hindi rin naman magtatagal ang relasyong Derek at Ellen. Mauuwi rin daw ‘yun sa paghihiwalay.
Let’s see!
Kommentarer