ni Beth Gelena @Bulgary | Sep. 23, 2024
Ipapalabas na sa September 25 ang movie ng dalawang lead young stars na sina LA Santos at Kira Balinger, ang Maple Leaf Dreams (MLD).
Napanood namin ang premiere screening ng MLD na napakasimple ng istorya pero makaka-relate ang mga manonood lalo na sa mga gustong magtrabaho abroad, especially sa Canada.
Sina Kira at LA bilang sina Molly at Mickey ay magkasintahan, pero may ambisyon si girl na pumunta sa ibang bansa para maiahon sa kahirapan ang kanyang pamilya.
Sa sobrang pagmamahal sa kanya ni Mickey ay iniwan nito ang magandang trabaho sa ‘Pinas at sumama kay Molly sa Canada.
Tear-jerker ang MLD, lalo na nang dumating ang matinding pagsubok sa kanila.
Nakakabilib ang karakter nina LA at Kira sa movie dahil matibay ang kanilang pagmamahalan at hindi nila sinukuan ang kanilang dreams, hindi lang para sa kanilang pamilya kundi para sa bubuoin nilang pamilya.
May matututunang aral sa MLD, kung ikaw ay nangangarap na tumira sa mayayamang bansa.
Actually, nakakagulat ang akting ni LA sa movie, likewise to Kira. Wala silang big stars na kasama but kering-keri nilang dalahin ang pelikula.
Naitanong tuloy ng aming katabi, “‘Di ba sa Canada rin nag-shoot ng sequel ng movie sina Kathryn Bernardo at Alden Richards?”
Sagot naman po ni yours truly, “Bakit may konek ba ang movie nila sa Maple Leaf Dreams nina LA at Kira?”
Hahahaha! Bigla akong siniko ng aking katabing friend.
Anyway, congrats to LA at Kira.
Kudos kay Direk Benedict Mique!
IPINOST ni Yeng Constantino ang pagkikita nila ng new born baby ni Angeline Quinto na si Sylvia.
Nag-bonding sina Yeng at Angeline kasama ang husband na si Nonrev Daquina with
their baby.
Nilagyan ito ni Yeng ng caption: “Love you Gege @loveangelinequinto! Super happy I got to see Sylvia today. Ang cuuuuute n’yaaaa! Oo, sige na, ikaw na ang kamukha. Hehehe!”
“Thank you sa inyo ni Non, fam and friends sa time and super-sarap na food! Na-miss kita, Ge!”
“ILYSM (I love you so much) YENGGAY!” ani Angge.
Wish naman ng isang netizen, “Ikaw na next ang magkaka-baby.”
Halos lahat ng nagkomento ay sana raw magka-baby na si Yeng.
Sabagay, ilang taon na rin namang may asawa ang singer.
Sabi nga niya noong mainterbyu siya, they are waiting naman daw kung kelan ibibigay ni God ang para sa kanila ng mister.
BEA, RESIDENT NA NG SPAIN
FINALLY, nakuha na ni Bea Alonzo ang kanyang residency card sa Madrid, Spain. Ifinlex ng aktres ang kanyang Madrid residency card, kung saan may sarili na rin siyang apartment doon.
Year 2022 nang ibulgar ni Bea na bumili siya ng isang one-door apartment designed by renowned architect-interior designer na si Tristan Domecq.
Ibinahagi ni Bea sa 100th episode ng kanyang YouTube (YT) channel that she is now finally a proud homeowner in Spain.
Ang benefits ng residency sa Spain ay visa-free access to all 26 Schengen countries, right to work in Spain, establish a business and invest, benefit from the single currency (Euro) and family reunification.
Bongga!
Comentários