ni Beth Gelena - @Bulgary Files | July 23, 2021
Wow, in a span of four years, naka-hit na ng 1 billion views ang YouTube channel ni Alex Gonzaga bilang vlogger.
Patuloy na umaani ng magagandang feedback ang actress/vlogger magmula nang nag-concentrate siya sa pagba-vlog.
Saktung-sakto sa fourth anniversary ni Alex as a content creator nang ma-reach niya ang 1 billion views.
Sa social media ni Alex, ibinahagi niya na ang kanyang channel ay umani na ng 11 million subscribers at ang kanyang mga videos ay may total nang 1,000,324,417 views, as of this writing.
“NETIZENS!!! We are now 11M and we have 1 billion views over all!!!! Thank you, thank you!! Best way to celebrate our 4th year together! To God be the glory,” pagbabahagi ng sister ni Toni Gonzaga.
Limang buwan na ang nakararaan nang maka-hit ng 10 million subscribers si Alex.
Kahilera niya sina Raffy Tulfo, Ivana Alawi at Zeinab Harake.
Agad namang binati ni Toni ang kanyang sister at maging ang mga kapwa celebrity vloggers ni Alex ay bumati sa kanya.
“Nice one, sis, congrats,” komento naman ng kanyang brother-in-law na si Paul Soriano.
Pagbabahagi ni Alex, "I wanna share lang na before I started my channel I was made to believe and I've accepted the fact that I will never have my OWN audience."
"So can you imagine how grateful and happy I am to have all of you! Nothing is impossible with Jesus!" dugtong ng TV host-actress-vlogger.
Comments