Roque, tumangging sagipin ng lifeguard sa boracay

ni Ronalyn Seminiano Reonico | October 6, 2020

Hinikayat ni Presidential Spokesperson Harry Roque ang mga turista na bumisita sa Boracay at kasabay nito ay ibinahagi rin niya ang kanyang experience sa naturang lugar.

Aniya, sa paglangoy niya sa Boracay ay hindi niya napansing napalayo na pala siya sa pampang at pinuntahan siya ng lifeguard upang mag-escort sa kanya.

Kuwento ni Roque, “Akala ko naman I was going from one point of the coast to another, hindi ko napansin na napadpad na ako sa malayo. So, anyway, pumunta sa akin ‘yung lifeguard naman although hindi ako nagpatulong sa lifeguard.

“SOP [standard operating procedure] naman nila ‘yun na ‘pag malayo na, pinupuntahan nila. “Tinabihan lang niya ako as I went back. I never realized I was so far away from the shore and of course, it took me a long time to get back. Pero siyempre, pinanindigan ko na I swam all the way back, hindi ako kumapit.”

Ang pagbisita rin umano sa Boracay ay makatutulong sa mga tourist workers na nawalan ng hanapbuhay dahil sa COVID-19 pandemic.

Saad ni Roque, “Kung hindi po tayo bibisita sa Boracay, number one na mami-miss natin 'yung world’s best tropical beach at number 2, wala pong hanapbuhay ang mga taga-Boracay."