Quiapo church dinagsa sa unang araw ng Alert Level 2

ni Jasmin Joy Evangelista | November 5, 2021

Dumagsa ang mga magsisimba sa Quiapo Church ngayong unang araw ng alert level 2 sa Metro Manila.

Nataon ding Quiapo Day at unang Biyernes ng buwan ngayong araw.

Pinapayagan na ang hanggang 500 katao na fully vaccinated sa loob ng Quiapo Church dahil hanggang 50% na ang pinapayagan sa mga religious gathering sa Metro Manila.

Halos umabot hanggang Rizal Avenue ang pila ng mga tao sa lugar.

Mayroon namang distancing marks upang masunod pa rin ang minimum public health protocols.