ni Angela Fernando @News | August 7, 2024
Nanindigan si Pangulong Ferdinand ''Bongbong'' Marcos Jr. nitong Miyerkules sa likod ng Public Utility Vehicle Modernization Program (PUVMP) sa kabila ng resolusyon ng Senado na nananawagan ng suspensyon nito.
''I disagree with them because sinasabi nila minadali (they are claiming it was rushed). This has been postponed seven times, the modernization has been postponed for seven times and those that have been objecting or have been crying out and asking for suspension are in the minority," saad ni Marcos.
"80 [percent] have already consolidated so papaano naman if yung 20% ang magde-decide 'yung buhay ng 100%? So pakinggan natin ang majority at ang majority sinasabi ituloy natin,'' dagdag nito.
Matatandaang 22 sa 23 senador ang lumagda sa iminungkahing Senate Resolution 1096 na nananawagan sa gobyerno na pansamantalang suspindihin ang pagpapatupad ng PUVMP, na ngayon ay tinatawag na Public Transport Modernization Program (PTMP).
Comments