ni Atty. Persida Rueda-Acosta @Magtanong Kay Attorney | Sep. 30, 2024
Dear Chief Acosta,
Mayroon akong katanungan tungkol sa aking napangasawa na isang French. Nagkakilala kami habang siya ay nagbabakasyon sa Siargao noong nakaraang taon. Naging mabuti ang aming samahan at kalaunan ay nagdesisyon kaming magpakasal. Dito na kami sa Maynila nagpakasal noong Marso 14, 2024. Nais na niyang dito manirahan sa ating bansa dahil dito na diumano niya nakikita ang kanyang kinabukasan kasama ako at gusto niya rin maging isang Filipino citizen. May epekto ba ang pagpapakasal namin sa prosesong kanyang daraanan upang maging Filipino citizen? Sana ay mabigyan ninyo ng linaw ang aking katanungan. Salamat. — Vangilyn
Dear Vangilyn,
Ang prosesong dinaraanan ng mga dayuhan upang maging mamamayang Pilipino ay tinatawag na “naturalization”. Ito ay nagbibigay sa isang dayuhan ng legal na pagkilala bilang isang ganap na mamamayan ng Pilipinas, kung saan magkakaroon siya ng mga karapatan at pribilehiyo tulad ng pagboto, pagtanggap ng pasaporte, at paggamit sa mga serbisyong pampubliko. Bilang mamamayan, magkakaroon sila ng mga karapatan tulad ng karapatang magtrabaho nang legal, magnegosyo, at magkaroon ng proteksyon mula sa pamahalaan. Kaakibat ng mga karapatang ito ay ang mga responsibilidad tulad ng pagbabayad ng buwis at pagsunod sa mga batas ng ating bansa. Ang proseso ng naturalization sa Pilipinas ay naglalayon na masiguro na ang mga nais maging mamamayan ng bansa ay tunay na nauunawaan at nakikilahok sa mga responsibilidad at karapatan ng pagiging Pilipino.
Ang pagpapakasal ng isang dayuhan sa Pilipina ay hindi awtomatikong nagkakaloob sa kanya ng Filipino citizenship. Nakasaad sa Seksyon 2 ng Commonwealth Act No. 473 o Revised Naturalization Law ang mga kuwalipikasyon para sa nasabing proseso:
“Sec. 2. Qualifications. – Subject to Section four of this Act, any person having the following qualifications may become a citizen of the Philippines by naturalization:
First. He must be not less than twenty-one years of age on the day of the hearing of the petition;
Second. He must have resided in the Philippines for a continuous period of not less than ten years;
Third. He must be of good moral character and believes in the principles underlying the Philippine Constitution, and must have conducted himself in a proper and irreproachable manner during the entire period of his residence in the Philippines in his relation with the constituted government as well as with the community in which he is living;
Fourth. He must own real estate in the Philippines worth not less than five thousand pesos, Philippine currency, or must have some known lucrative trade, profession, or lawful occupation;
Fifth. He must be able to speak and write English or Spanish and any one of the principal Philippine languages; and
Sixth. He must have enrolled his minor children of school age, in any of the public schools or private schools recognized by the Office of Private Education of the Philippines, where the Philippine history, government and civics are taught or prescribed as part of the school curriculum, during the entire period of the residence in the Philippines required of him prior to the hearing of his petition for naturalization as Philippine citizen.”
Isa sa mga kuwalipikasyon ay ang patuloy na paninirahan sa bansa sa loob ng 10 taon o higit pa. Ngunit ayon sa Seksyon 3(3) ng Revised Naturalization Law, ang 10 taong patuloy na paninirahan sa ating bansa na kinakailangan ay mababawasan ng limang taon kung siya ay kinasal sa isang Pilipina. Ayon dito:
“Sec. 3. Special qualifications. The ten years of continuous residence required under the second condition of the last preceding Sec. shall be understood as reduced to five years for any petitioner having any of the following qualifications: xxx
3. Being married to a Filipino woman; xxx”
Para sa iyong katanungan, ang epekto ng iyong pagpapakasal ay hindi awtomatikong pagiging mamamayang Pilipino ng iyong asawa na French. Siya ay daraan pa rin sa proseso ng naturalization. Kailangan pa rin niyang magsumite ng aplikasyon para rito at ito ay pag-aaralang mabuti ng ating hukom kung karapat-dapat ba siyang mabigyan ng certificate of naturalization.
Bagkus, ang epekto ng inyong kasal ay ang pagbawas sa kinakailangan na 10 taong patuloy na paninirahan sa ating bansa. Magiging limang taon na lamang ito sa halip na 10 taon. Bukod dito, kailangan pa rin niyang makamit ang mga kuwalipikasyon na nasa batas at hindi rin dapat siya nabibilang sa mga diskuwalipikado. Ang mga diskuwalipikado ay nakasaad sa Seksyon 4 ng Revised Naturalization Law:
“Sec. 4. Who are disqualified. – The following cannot be naturalized as Philippine citizens:
1. Persons opposed to organized government or affiliated with any association or group of persons who uphold and teach doctrines opposing all organized governments;
2. Persons defending or teaching the necessity or propriety of violence, personal assault, or assassination for the success and predominance of their ideas;
3. Polygamists or believers in the practice of polygamy;
4. Persons convicted of crimes involving moral turpitude;
5. Persons suffering from mental alienation or incurable contagious diseases;
6. Persons who, during the period of their residence in the Philippines, have not mingled socially with the Filipinos, or who have not evinced a sincere desire to learn and embrace the customs, traditions, and ideals of the Filipinos;
7. Citizens or subjects of nations with whom the United States and the Philippines are at war, during the period of such war;
8. Citizens or subjects of a foreign country other than the United States whose laws do not grant Filipinos the right to become naturalized citizens or subjects thereof.
Sana ay nabigyan namin ng linaw ang iyong katanungan. Ang payong aming ibinigay ay base lamang sa mga impormasyon na iyong inilahad at maaaring magbago kung mababawasan o madaragdagan ang mga detalye ng iyong salaysay.
Maraming salamat sa iyong patuloy na pagtitiwala.
Comments