Problemado sa ensayo ang PBA at PVL sa Bubble

ni MC - @Sports | April 15, 2021

Kahit inilagay na sa Modified Enhanced Community Quarantine (MECQ) ang nasa loob ng NCR plus bubble ay hindi pa rin pinapayagan ang Philippine Basketball Association (PBA) at Premier Volleyball League (PVL) na sumabak sa kanilang training.

Base sa bagong patakaran na inilabas ng Inter-Agency Task Force (IATF), mahigpit pa ring ipinagbabawal ang anumang sports activities gaya ng scrimmages, contact sports, games at iba pang aktibidad sa indoor at outdoor. “Outdoor sports courts or venues for contact sports, scrimmages, games or activities; indoor sports courts or venues, fitness studios, gyms, spas and other indoor leisure centers or facilities and swimming pools,” ayon sa mga ibinabawal ng IATF.

Dahil dito, inaasahan nang iaatras ang opening ng PBA Season 46 Philippine Cup na orihinal na nakatakda sa Abril 18. Una nang iniatras ang pagbubukas ng PVL Open Conference mula sa dating May opening sa bagong June schedule. Pinapayagan lang umanong mag-work out ang mga player sa kani-kanilang tahanan.