ni Imee Marcos @Imeesolusyon | Feb. 9, 2025
Mga beshie, aminin n’yo — ang taas ng presyo ng mga bilihin, nakakaluha! As in, isang tingin mo pa lang, parang gusto mo nang mag-walkout sa palengke. Jusko, dati rati, may P500 ka, pak na pak na pang-ulam for a week.
Ngayon? Walang laban, isang meal lang yata! Kaya naman, bet ko talaga na pantay na minimum wage ang i-push! I mean, bakit naman mas maliit ang sahod sa probinsya? Eh kung tutuusin, mas mahal pa nga minsan ang bilihin doon kaysa sa Maynila! ‘Di ba?
Pare-pareho lang naman tayong nag-e-effort, gumigising ng maaga, bumabiyahe ng bonggang tagaktak sa pawis — so bakit hindi pantay ang kita?
Enough na sa luma’t bulok na sistema! Oras na para i-level up ang sahod! Hindi puwedeng forever tayong nakadehado mode sa probinsya. Hindi porke’t promdi, mas mura na agad ang gastos — charot-charot naman, sino ba nagsabi ng kalokohan na ‘yan?!
Heto pa, narinig ko na may nag-iingay ng dagdag daw na P200 sa sahod. Sa true lang tayo! Sigurado akong di ‘yan nakonsulta ang mga maliliit na negosyante, ang ating MSMEs. Naku! Siguraduhin nating ang pagtaas ng suweldo ay hindi magiging sanhi ng pagbagsak ng kahit sino. Dapat PATAS PARA SA LAHAT — sa mga empleyado at sa maliliit na negosyante. Agree???
So, mga beshie — G na tayo sa laban para sa pantay na minimum wage! Ipaglaban ang sahod na swak sa gastos, hindi ‘yung sakto lang sa pamasahe at pang-kape.
Dasurv natin ‘yan! Push natin ‘yang national minimum wage para sa lahat! Walang maiiwan!
Comments