ni Vinia Vivar @Frankly Speaking | June 25, 2024
Naglabas ng saloobin si Ronnie Liang hinggil sa mga negatibong balita na lumalabas matapos siyang masangkot sa malisyosong tsismis with former Presidential Spokesperson Harry Roque.
Matatandaang few days ago ay pinagpiyestahan sa social media ang lumang videos nina Ronnie at Roque habang nakasakay sa speedboat or bangka.
Sa isang video ay maririnig si Roque na nagsalita ng “Mamaya-maya tingnan natin kung mapapa-topless natin si Ronnie Liang. Hahahaha! Okey! Ako, magta-topless ako. Hahahahahahahaha!”
Sa isang video naman ay mapapanood na sinasabi ng dating Presidential Spokesperson kay Ronnie, “Merong six pack na kinakain, iniinom. Well, maraming nagtatanong kasi ang image mo talaga, wholesome. Wholesome ka ba talaga? Hahahahahahaha! Baka naman palikero ka, ha? Ano ba ‘yan, talaga bang maputi ka at mukhang Koreano?”
Kumalat ang mga naturang videos matapos lumabas ang balita na ang pageant winner na si Alberto Rodulfo “AR” dela Serna ay travel buddy ni Roque.
Anyway, sa Facebook post ng OPM singer ay in-address niya ang tungkol sa mga bali-balitang inimbento ng mga tao.
“When people hear good things about you, they stay silent. When they hear bad things about you, they spread it like wildfire. But when they hear nothing about you, they make things up,” pahayag ng singer.
“However, it’s important to remember that you cannot control what others say about you. Instead, focus on the best version of yourself and let your actions speak for themselves.
“Over time, your character and integrity will shine through, and the people who matter most will recognize and appreciate you for who you are,” saad pa ni Ronnie.
Samantala, bago ito ay naglabas na rin ng official statement ang abogado ni Ronnie na si Atty. Rafael Vicente Calinisan at itinanggi na ‘alaga’ ni Roque ang OPM singer.
“Para malinaw, si Ronnie Liang ay hindi po “alaga” ni Harry Roque tulad ng ibig pakahulugan ng ilan. While Ronnie and I personally had a good laugh watching the videos, instead of these innuendos, our efforts are better spent investigating the ill-effects of POGOs in the country, or pushing for laws that advocate gender equality,” ang pahayag ng lawyer sa kanyang X account (dating Twitter).
Ayon pa kay Atty. Calinisan, ang mga naturang videos na kumakalat ay mula sa vlog ni Roque nu’ng 2022.
“Ronnie was in Dinagat Island last July 2022 to distribute relief goods for the victims of Typhoon Odette. He was with the Philippine Army where he is a reservist. Ronnie only chanced upon Atty. Roque after the humanitarian aid mission, during the tour of the island. They were accompanied by a number of soldiers, policemen, and officials from the local government unit. The courteous and well-mannered person that he is, Ronnie gamely participated in the vlog of Atty. Roque,” paliwanag ng abogado.