ni Lolet Abania | October 7, 2022
Itinaas na ng Philippine Institute of Volcanology and Seismology (PHIVOLCS) ang alert status ng Mayon Volcano dahil sa pagtaas ng level of unrest nito ngayong Biyernes.
Sa isang advisory, sinabi ng PHIVOLCS na isinailalim ang Bulkang Mayon sa Albay sa Alert Level 2 dahil sa anila, “current unrest driven by shallow magmatic processes that could eventually lead to phreatic eruptions or even precede hazardous magmatic eruption.”
Isinailalim ang bulkan sa Alert Level 1 noong Agosto matapos na makapagpakita ito ng “low-level unrest.”
“Ocular inspection of the summit during an aerial survey this morning confirmed the presence of freshly extruded lava at the base of the summit lava dome,” pahayag ng PHIVOLCS.
Sinabi pa ng PHIVOLCS, “[Mayon Volcano]has been slightly inflated, especially in the northwest and southeast, since 2020.”
Sa ilalim ng Alert Level 2, pinapayuhan ang publiko na huwag pumasok sa six-kilometer-radius Permanent Danger Zone (PDZ) ng bulkan upang maiwasan ang panganib mula sa biglaang mga pagsabog, rockfall at landslides.
“Civil aviation authorities must also inform pilots to avoid flying close to the volcano’s summit as ash from any sudden eruption can be hazardous to aircraft,” saad pa ng PHIVOLCS.
Comments