ni Pablo Hernandez @Prangkahan | Mar. 3, 2025
MAY CORRUPTION SA GUMUHONG TULAY SA ISABELA KAYA DAPAT LANG MAY MANAGOT DITO — Sinabi ni Pres. Bongbong Marcos na may mananagot daw sa pag-collapse ng Cabagan-Santa Maria Bridge sa Isabela.
Aba'y dapat lang kasi mantakin n'yong ginastusan ng pamahalaan ng higit P1.2 billion ang tulay na ‘yan, ‘yun pala tinipid ang materyales, kaya nang may dumaang trak nag-collapse.
Malinaw na may corruption na naganap sa paggawa ng tulay na ‘yan, kaya dapat lang talagang may managot, period!
XXX
FORMER SP SOTTO, BAKA MADAMAY SA GALIT NG PUBLIKO KAY PBBM SA HINDI PAGTUPAD SA P20 PER KILONG BIGAS — Ayon kay senatorial candidate former Senate President Tito Sotto ay maaari pa raw mangyari ang P20 per kilo ng bigas kung ang panindang palay ng mga magsasaka ay bibilhin ng pamahalaan sa tamang presyo.
Naku, baka ang galit ng mamamayan kay PBBM sa hindi nito pagtupad sa pangakong P20 per kilo ng bigas ay kay Sotto mag-boomerang, kasi halos limot na nga ng taumbayan ang P20 per kilong bigas na campaign promise ng presidente, tapos pinaalala pa ng dating senador sa publiko ang isyung ito, boom!
XXX
PIGO PALIT POGO AT ‘YAN ANG DAHILAN KAYA NAGKALAT PA RIN SA SOCIAL MEDIA ANG ONLINE GAMBLING — Ibinulgar ni Senate President Chiz Escudero na ang pumalit sa POGO (Philippine Offshore Gaming Operators) ay PIGO (Philippine Inlands Gaming Operations).
Kung ganu’n, pabida lang pala ni PBBM ang pag-ban niya sa POGO kasi binago lang pala ang pangalan nito, ginawang PIGO at ‘yang PIGO pala ang dahilan kung kaya’t nagkalat pa rin sa social media ang iba't ibang uri ng online gambling, buset!
XXX
KUNG SI GEN. MARBIL ANG DUMAAN SA EDSA BUSWAY, DAPAT MAG-RESIGN NA SIYA SA PAGIGING PNP CHIEF — Hanggang ngayon ay hindi pa rin pinapangalanan ng PNP ang police high ranking official na ang convoy ay ilegal na dumaan sa EDSA Busway at bagama’t ayaw pangalanan, may mga naglalabasang isyu sa social media na ang PNP official daw na ito na lumabag sa batas-trapiko sa EDSA ay mismong si PNP Chief Gen. Rommel Marbil.
Na-bash nang husto ang PNP sa isyung ito, kaya't kung may delicadeza pang natitira si Gen. Marbil sa kanyang sarili, dapat ay magsakripisyo na siya, mag-resign na siya bilang PNP chief, period!
Comments