ni Reggee Bonoan @Sheet Matters | June 2, 2024
Nagdamdam pala nang husto si Miss Universe Philippines 2020 Rabiya Mateo nang mawala na siya bilang isa sa mga hosts ng programang TikToClock ng GMA-7.
Isa ito sa mga naikuwento ni Rabiya nang ipakilala siya bilang bagong endorser ng Royal Aesthetics na pag-aari nina Arlene Cris Damot (CEO) at David Jayabalan (COO) kasama ang medical director na si Doc. Rhoda Espino kamakailan.
Aniya, “In terms of hosting, ‘yun nga po, with a heavy heart, katatapos lang po ng kontrata ko with TikToClock. I’m very blessed for that exposure. Ako, I’m so proud of TikToClock, nami-miss ko na rin po actually ‘yung mga co-hosts ko ru’n.
“Pero ganu’n talaga ang buhay—may mga desisyon, may mga path na nag-e-end. However, sana po in the future, mag-meet ulit kami.”
At dahil kayumanggi ang kulay ni Rabiya at aminadong hindi pa siya makinis nu’ng sumali siya sa Miss Universe ay kaliwa’t kanan ang bashers niya at aware raw siya rito.
“Minsan, when I do gain weight, ang dami na agad nagsasabi na, ‘Ah, lumaki s’ya, baka buntis siya,’ may kuwento na agad sa head. So ‘yung expectation palagi ng tao is that ‘yung Rabiyang nakita nila sa Miss Universe is ‘yung Rabiya na makikita nila up until now.”
Sey pa ni Rabiya, “Honestly, may mga days din ako ‘pag may nababasa akong comments na it really, parang ‘Masakit ‘to, ah.’ Tapos I would look in the mirror and I would say na, ‘Tama ba ‘yung sinabi nila about me?’ But at least ngayon, mas mabilis ako mag-bounce back. Kung minsan, days s’ya na iniisip ko, ngayon, mga two minutes lang, tapos okay na ako.”
Kaya raw ngayon ay conscious na siya lagi pagdating sa beauty regimen niya kaya nagpapasalamat siya sa ineendorsong aesthetics clinic.
“There are days when I wake up in the morning and when I look in the mirror and I would say, ‘Wow, I look good today.’ Especially no pun intended, especially when I have my facial done. Kasi iba po talaga ‘yung glow ng skin after ‘pag in-apply ‘yung serum with derma clear treatment as well, it’s a facial kung saan ine-extract ‘yung mga whiteheads natin.
“Kasi kahit wala akong make-up at all, I can really see my skin that is very healthy, that is glowing,” kuwento ng dalaga.
May dahilan din naman kasi kaya hindi makinis si Rabiya, dahil probinsiyana siya na taga-Cebu.
“I also come from humble beginnings. And honestly, when you have nothing in life, unahin mo talaga ‘yung necessity like food, shelter, to survive day-to-day. However, we also encourage people na if you have the budget to do so, to invest in the right things, then bring out the best in you.
“So, alam ko po, we live in a developing country at maraming tumataas ang kilay because they just think that this is for pure vanity. But there's a lot of individuals, hindi lang babae but also men who want to look their best. So ‘yun po ‘yung market namin, ‘di ba, sa Royal Aesthetics. People who want to bring out the best confidence and reach their maximum potential in life,” pagwawakas ng dalaga.
Comments