ni Ador V. Saluta - @Adore Me! | August 18, 2022
Nitong mga nakalipas na araw, maugong ang balitang naghiwalay na raw sina Vice Ganda at Ion Perez.
Year 2019 nu'ng isapubliko nila sa pamamagitan ng It's Showtime ang kanilang relasyon.
Tatlong taon ng pinakamasasayang panahon ni Vice lalo na't nagsukob sila sa isang bubong and eventually, nagpakasal sa US nitong nakaraang taon lamang, kasabay ng kanilang concert sa Amerika.
Matatandaan na kamakailan lang, naging item ng mga pahayagan ang relasyon nina Vice at Ion na diumano’y hiwalay na kasunod ng naiulat ng veteran entertainment columnist at host na si Cristy Fermin sa kanyang online show.
Subali't sa It’s Showtime nitong August 16, tinuldukan na ng Kapamilya host na si Vice Ganda ang naglabasan na balita sa diumano’y hiwalayan nila ng partner niyang si Ion Perez.
Kaya naman, isang mahigpit na yakap ang ibinigay ni Vice kay Ion na nagbalik-Showtime matapos ang anim na araw na bakasyon sa Japan.
“I’m celebrating dahil bumalik na si Ion from Japan,” masayang umpisa ni Vice.
Ani Vice, ito ang pinakamatagal na paghihiwalay nila ng nobyo matapos ang pagsasama nila sa isang bubong noong nagsimula ang pandemya ng COVID-19.
“Oo, alam mo, umiiyak na nga ako sa gabi. Magmula kasi noong pandemic, nagsama kami sa bahay, tapos hindi na kami nagkaroon ng time na maghiwalay nang matagal.
Pinakamatagal naming hiwalay, three days. Kunwari, mayroon akong raket, siya, pupunta ng Tarlac. Pero 'yung six straight days, alam naming malayo, first time ‘yun” emosyonal na paglalarawan ng Kapamilya host.
Inamin din ni Vice na bahagi ng kanilang relasyon ni Ion ang pagbabalanse ng kanilang mga oras para sa kani-kanilang pamilya.
“We missed each other. Pero kasama ko ang pamilya ko noong wala siya. Balanced. Nagpunta siya ng Japan kasama niya ang pamilya niya, nagpunta ako ng Bohol, kasama ko ang pamilya ko.
So bala-balanse, time with our families and then back in each other’s arms, ganu'n!"
Mensahe ni Vice sa mga "Marites" na nagkakalat ng chismis tungkol sa kanila, “Masaya kami.
Huwag kayong gumagawa ng mga ano, mga chismosa kayo! Hiwalay na raw kami ni Ion?
“Hetong mga (damonyong ‘to), hoy, mga damonyo!" pabirong pahayag ni Vice.
Pahabol pa ni Vice, “Pero masaya kami rito. Masaya kaming magdyo-jowa kaya 'wag kayong ano. Mga damonyo kayo!”
Comments